ماعاد انا مشتاق ولا انت مشتاق
انا رقدت البارحه وانت ما مسيت
هذا انت دايم تقلب الصحبه خناق
ودايم تـــغلى ولا انـا مـا تغــليـت
صح انك اللي لذت اوصاله افراق
وصح انك اللي كل مارحت ماجيت
لكني احبك ومن كثر ما انسـاق
اشوفك بصوتك لا اقبلت واقفيـت
بدق ولا انا ترى مانيـب بـداق
انا لو اني اللي مزعلـك دقيـت
تعوذ من ابليس واتزين الاخـلاق
وتلفن وحاذر لا تلفن من البيـت
شغل جهازك واشحنه بعد لغـلاق
ودق لجهازي واعمل اكلوز لليت
خل الاتصال يقول مشتاق مشتاق
والذبذبات تقـول مليـت مليـت