السلام عليكم ورحمة الله وبركاته
عندما يتهمونك بان الشعر يكتب لك
او انك مستشعره كما يقول البعض
أقول لهم الحجه اللي ماعليها شهود واثبات مالها قيمه عند العرب
وحجتكم ضدي تراها تحت (( اقدمي )) ثبتو حجتكم قبل ماتصدرونها ,,
ومحشومه كل لحية وكل بنت رجال عن العلوم الناقصه,,
واقول لهم,,
أنا ياناشـدي مـن روس برقـا=وخوالي روق هم روحي ودمي
جمعت العز بين اثنيـن وارقـا=على عرش الفخر ما عاش همي
عتيبه عزوتي مـا نـاح ورقـا=على روس الشجر يا روح تمي
خضع لأفعالهم غربـآ وشرقـا=ومضى التاريخ بأسماهم يسمـي
وكلً فيـه طيبـه بـس فرقـا=عتيبه عـزوة الجنـب المدمّـي
ابا امدحهم ونفس الشر حرقـا=عليها الحقـد والشـر متحمـي
عسفت لهم بيوتٍ جـات طرقـا=ماهي للحب والفعـل المطمـي
ما ابي من داركم حـبٍ وفرقـا=ولا تثميـن شعـري يالمخمـي
وشعري يا جهل مهوب سرقـا=أخذته ورث من جدي وعمـي
فهمت العلـم يالمطفـوق قرقـا=سوالفكـم تخـص ولاتعـمـي
وهقاويكم تجـي غـدر ودرقـا=وكل كلمة تحت رجلي تطمـي
وســـــــــــلامتكم