[معلومات العضو طير شلوه]

السلام عليكم... هذي القصيده من الشاعر الكبير... حسين بن ضيف الله الدوسري القصيده التي قاله في زواج محمد بن راشد بن طليميس الحراجين الدوسري

حضرنا بحفل اللي له الطيبـات تسـاق =وشرد القوافـي فيـه قمـت أتخيرهـا
بيوتٍ كما الياقوت ترضى بهـا الأذواق= تداحم على صدري والإبـداع يظهرهـا
بيوت الذهب تفرق عن المعدن البـراق= على شان ابن راشد بقـدم جواهرهـا
أبا أمدح عريب الساس بالطيب والأخلاق= ومن لا يعرف أهل الوفـاء مايقدرهـا
محمد طلع للمرجله طلعـة المشتـاق=وتعدى النجـوم اللـي بعيـدٍ منابرهـا
ولد راشد طليميس لا نشفـت الأريـاق=فدته الرخوم اللـي خبـاثٍ ضمايرهـا
على العز والنامـوس للطيبـة سبّـاق=بحور المراجل فيـه ترسـي بواخرهـا
زعيم المراجل والمراجل لهـا ميثـاق= ونفسه مع أهل الطيب تبدي مشاعرهـا
ولاخاب مخلوقٍ تحـت دبـرة الخـلاق=طموحه بعيدٍ وأكثـر النـاس قاهرهـا
وقف للعلوم الطيبـه وقفـة العمـلاق=ولاغيّرتـه ايامنـا مــع تغيّـرهـا
راعا رفقةٍ ماهيب حبـرٍ علـى الأوراق=وعيبٍ على اللي رفقة الطيـب ينكرهـا
أزف التهاني بأجزل القول من الأعماق=وعن غائب الأيـام يكفيـه حاضرهـا
وتمت بذكر اللي لخلقـه كتـب الأرزاق= إلـهٍ خلـق خلقـه وبأمـره يدبرهـا

وصح السان أبو ضيف الله و اعتبرها اقل مايقال في حقه وهو في غنى عن التعريف وشكراا منقوله