السلام عليكم ورحمة الله وبركاته
هذه اول مشاركه لي بينكم اتمنى ان تنال رضاااكم
وهي لي موقف بيني وبين من تنادي لحرية المرأه والسواقه,فكان هناك حوار بيني وبينها
في احد المنتدياااات,,ولكل من يقول ان تواجد الفتاه فالمنتديات والحوار,بحث عن الشهره
او الحب ,,أقول لاتلتفت للكلام الضايع الا الضايعه مثله,,,,
تقبلوها كما هي,,
يالله ياللـي عالـم بكـل الأحـوال=تغسل كبودٍ مـن رداهـا مغلولـه
الفكر دايـم راحـلٍ بـي ونـزال=سبـة اعلـومٍ جايبتهـا مهبـولـه
يابنت كـل اللـي تقولينـه أخبـال=حنـا نخـاف الله ونتبـع رسولـه
ماجيت ادور في البلد ضرب الأمثال=ولاحسبت احسـاب دور البطولـه
أقول قولي بس من ظمـن الأقـوال=على النقا وكلٍ على حسـب قولـه
ألحب مالـي فيـه يابنـت مدهـال=ورجلي عن أدروب الغرام معقولـه
يوم أن بنت اللأش بالحـب تختـال=نفسي تشوم ونون عينـي خجولـه
أحسب احساب لوالدي طيب الفـال=مااهين وجهه بيـن قـوم وحمولـه
مهره ولا يقـدر عليهـا أي خيـال=يبطي مايعسفها الضعيـف بسهولـه
يكفيني أني بنـت طلقيـن الأفعـال=مثل القمر ينشاف ما احـدٍ يطولـه
وســـــــــــلامتكم