السلام عليكم
على ذكر المواجع والسفر والحـل والترحـال=طويت آخر ورق عندي بقا في دفتر أحزانـي
طويته .. وانكسر قلبي وصوتي بالمواجع سال=ودريت إن الظلام اللي تحت كف السهر جاني
جلست أجمع مسافاتي وأغني للسفـر مـوال=على صفحة من الماضي بها حلمي وعنوانـي
بها كم سافرت عيني ليالي والظـلام أهـوال=وبها كم سافرت روحي وأنا بالليـل وحدانـي
حبيبي كل ما أشوفك تجـي بالذاكـره تختـال=نهر من فايض الذكرى يجي من داخل أشجاني
تخيل يوم عانقني خيالك .. خاطري وش قـال=تخيل قبل أسولفلك نشدني عنـك وجدانـي!.
نشدني ليـن خلانـي مدينـه هزهـا زلـزال=تخيل !! ماهدى حتى لقاك بوسـط شريانـي
أروح لسدرة الموعد معاي لموعـدك مرسـال=وأخاف إنك تجي قبلي وترحل قبل تلقانـي ..
هنا كانـت ليالينـا غـلا والمقبـلات آمـال=وهنا كانت مواعيدك مطر تخضر به أغصانـي
منقول