[معلومات العضو سعيد الصخابره]

راكب اللي يعجب السايق ركوبـه ## لا وطا لارض الجلد تسمع وحيفه


فالبريمي شابكين عكس هوبـه ## سايقه يضرب به الدار المخيفـه


كن شطرطون الوكاله في جنوبه ## جنب وضحاً بالطرايق والسفيفـه


عن محـلات الزلايـب جنبوبـه ## و الرخوم اللي روابعهم ضعيفـه


نحروه سعود و الجود ابشروابه ## فالمهمـات الثقيلـه و الخفيفـه


شارب ٍ حب المراجل مع شروبه ## غير عيت ما تجي الدنيـا بكيفـه


لو تضيفه ما بملكه غيـر ثوبـه ## فرّشك دوباج و الحفـك بقطيفـه


الرفيق اللي مساعيـه محبوبـه ## فيه دايم شرد أفكـاري طريفـه


في شمال الدار ولاّ فـي جنوبـه ## دامني ضيف وهو موجود ضيفـه


عن بنوك المال تكفينـي جيوبـه ## كن لي في العاصمة راتب و ظيفه


كل ما اندارت بنات الفكر صوبـه ## خذ نصيفه و الأوادم في نصيفـه