اقتباس:
المشاركة الأصلية كتبت بواسطة بو ثمام الدوسري
صحت ابدان الجميع وخص ابومطر وياشاعرنا نادر مجاراتك مكسب
ولعيونك وعيون ابن العم نايف الخييلي 
يدوم البقا ياشاعرٍ مانقص فالكيل=من الآد ودعان القروم المداغيشي
مدحتك واعدك للمدايح كفو بالحيل=ومدحي على غيرك بعيد المناويشي
هذا منهجي لكن هل الزيف والتطبيل=تنفّخ ذروبها بأيش والا على ويشي؟
دلوخٍ تحسبنّها تعدت مقر سهيل=وهي للاسف من عرض باقي الخفافيشي
أقوله وانا ماني على السايمه وِكيل=شهارا السراه الي زهت بالدناديشي
ويانادر صحيح اليوم شاخ الذنب والذيل=غدا راس لاكن ما براسه نغاميشي
تبين الحقايق فالبنادم من التمثيل=ليا عمست الاريا وطاش العقل طيشي
يشيل الحمول اشعيل لزرت جمال اعقيل=اصيلٍ ماحصّل شيخته فالبخاشيشي
ويبن ناهش فوق الالف عد الخطا بالميل=وليا قلت لا , ذي قفلت القاف بالشيشي
|
ارحب ياابو ثمام وصراحة يسعدني كذلك مجاراتك
خذيت الجهاز ابفتحه واصفح الاميل=ابي لي ربوع في الاجازه مطاريشي
ومع فتحتي الابتوب والناس بأول ليل=لمحت القصيد اللي كما صبغة الميشي
على لوحة بروازها العود عقب الهيل =ومن خوف نقص الشحن علقتنا الفيشي
الايابن عمي محزمي والقبايل حيل= وهو درعي ان جا في زماني تشاويشي
زمان رفع ناس على النصب والتطبيل=ولوكان جوفه ماش ويشوش بلكيشي
غدى بيتنا المعمور بالذكر والتهليل=مدارس لتخريخ الخشوم المفاطيشي
تحير الرجال اللي تصالي حروب الويل=وبرجوك تنهيها ولاتقول لي ويشي