بسم الله الرحمن الرحيم
نبارك للمشرفين والاعضاء والقراء ولعموم قبيلة الدواسر دون استثناء افتتاح هذا الصرح
الشامخ لهذه القبيلة العريقة التي نتمنى ان نقوم بالواجب تجاهها وهذا لن يأتي الا
بالجهود الجبارة من قبل الاعضاء والمشرفين ليبقى اسم قبيلتنا شامخ في سماء ارض
الجزيرة العربية كما كان فعل اجدادنا سابقا وفعلنا نحن الآن وهذا هو وقتنا ..
وبمناسبة افتتاح منتديات قبيلة الدواسر الرسمي هذه قصيدة ترحيبية من ..
الشاعر القدير : محمد بن راشد بن نفجان الغريري
هلا وعداد ما هبت من الغربي هبوب النود = هلا ترحيبة أطيب من العنبر نسايمها
هلا وتشريفكم لنا هو غاية المقصود = هلا عد المزون اللي تهامل من غمايمها
هلا عد النجوم وعد ما هز السحاب رعود = هلا وعداد ما غنت على السدرة حمايمها
هلا وبحضوركم هبت على المجلس نسايم عود = هلا بكل الرجال اللي توقف في لوازمها
زهمت القاف قال ابشر مطيعٍ لك وترقى سنود = وجزلات القوافي حاضرة عندي وعازمها
مسلسلها على سلك الحرير بعقدها المنضود = عن الزلات والهفوات والسقطات حاشمها
دخلت بروضها اتنقى وابذكر زاهي العنقود = دخلت بسوقها شاري ولاني باليوم سايمها
عسى طير السعد يكفخ يبدل شوكها بورود = عسى الله يغفر نفوسٍ تواثب في مكارمها
عسى رب السما يوفق ومن فضله علينا يجود = عسى نجوم السعد تصعد وتبيّن لي معالمها
وحنّا لا بغيتونا لكم عون وسند وعضود = لنا نفوسٍ تبي العليا وعلى العليا نعلمها
هذا ما جال في صدري وفي تفكيري المحدود = مبداها أطيب من العنبر وبدهن العود خاتمها
وسلامتكم ,,,
وتقلبوا مني خالص الود التقدير
اخوكم في الله
محمد الغريري