سلام رديه على حاكم الصين=بالخير ياراعي النظام الشيوعي
ياجيانق ريمن نبي معاك قافين=والبرق عانه في المخايل يزوعي
يامرحبا ياقايد الغرب واهلين=ترحبة ترضي غفير الجموعي
البرق عانه يبرق يسار ويمين=صوت الرعد حدر السحايب يروعي
ماجيتنا ليلة لفوناالمهين =يومن واشنطن تشب الشموعي
ليلة حكمت امريكيا عام الالفين=جوني هل الطالات غصبن وطوعي
ارسلت لك ياابن النشاما خطابين=جاتك مناديبي تبارك فزوعي
وانا حكمت الشرق من عام سبعين=ما اعلنت للحكام قبلك خضوعي
ياجيانق اناطوفت وحده وثنتين=والثالثه بتكون بين الضلوعي
الطايره وش علمها فالهاشين=الي لها بحماك حول السبوعي
ليتك تحل المشكله في فلسطين=عزا الله ان ابوك ماهو طقوعي
يابوش وطتها بالاض الشياهين=كانت تجسس وهزعتها هزوعي