اخواني هذه قصيدة في (بنات حواء) ومن ظنت منهن
ان حجابها ظلم وتخلف.وان رمي الحجاب بروز وشهرة
وتصبح سلعة كأي السلع للعرض.
ياماخلق ربي من الزين والشين=وكل على ماقيل راضي بحاله
بنات حواء بين ميل الموازين=يلعبها عصر الخنا والثعاله
لاكن جمال الروح هوقمة الزين=هولذة الدنيا( يجير) لحاله
والزين يا بنت الصحابه هوالدين=في زفة الهالة وكوم الزباله
اللي تحسب الدين كبت القوانين=ونهج التقدم تركها للرساله
تمشي مع تيار كيد الشياطين=واول بدايات الحضاره عماله
باسم اللحجاب اللي يساير ملايين=باسم الحضاره باسم روح العداله
وعقب البدايه عام ويجوز عامين=تظهر خصال الشعروالفن هاله
يظهر نحرها والشعر ينتخ العين =هذا مقام هل الشرف والبساله
وفي شاعر المليون والناس دارين=رقى عفاف البنت عالي جباله
وعيده ماأيدها ولافيه بعدين =واصل المره بين الرجاجيل عاله
هذي مناهجنا بصدق البراهين=والدين واضح والجهاله جهاله
لكن لنا في الفكر والدين باللين=لحظة تأمل والتأمل كماله
واخر كلامي وابحثي في الصحيحين =ياحظ من راعي الرسالة دعاله