[معلومات العضو عبدالله الحافر الغييثي]

عهدي بها من قبل تلبـس عبايـه=وأنا بعد قبل البس شمـاغ وعقـال
طفلين نتهجّى حـروف البدايـه=الله ياماأجمل سواليـف الاطفـال
كانت لنا في كل شـارع حكايـه=وكنّا نقول علوم ماهيـب تنقـال
وكنت اتقاسـم مامعاهـا معايـه=من(عسكريم) التوت,للعلك ابوريال
وكانت بعكسي شاطره بالقرايـه=تقرأ جزء عـمّ وطـه والانفـال
وأنا لك الله مـن مـواري غبايـه=مدري ابو نقطه هو الذال او دال ؟؟
وكانت لابويه تشتكي من شقايـه=وتعلّمه كيف اربط البـاب بحبـال
ياما على ظهري كسر من عصايـه=يقول لي:خلّك وأنا ابـوك رجّـال
وامي تقول:ادع لولـدك الهدايـه=خوفي تصيبه كثرت الضرب بهبـال
لاشفتها مع اول الـدرب جايـه=مدري أنا اللي ملت ولاّ الوطا مال
احسّ قلبي يرتجـف فـي حشايـه=ماكنّه الاّ الضيف لاهـزّ فنجـال
ياما عن"السّعلي" تخبّـت ورايـه=لاخوفوها فيه ثم شافـت ظـلال
تقول:خلّـك ياحبيبـي معـايـه=واسّتأنس العب عندها دور الابطال
وآغار حتّى من عيـون اصدقايـه=لاطالعوها قلت:تكفـون ياعيـال

الشاعر/محمد النفيعي