هذه القصيدة هي بمناسبة تعيين صاحب السمو الملكي الامير نايف بن عبدالعزيز نائب ثاني
الرئيس مجلس الوزرى وهي بعدد احرف اسمه .
(ن)نعانق سما الابداع والمـدح فيـه ابـداع=ويزهى معان الشعـر مـن مدحـه اوسامـي
(أ) اترجم بشعري ماخفا مـن ورى الاضـلاع=ودليـل الـولا والحـب ماخطـت أقـلامـي
(ي)يخيل اخيـال الخيـر والبـارق اللمـاع=على المنهـل اللـي يـروي الواردالضامـي
( ف)فخرنا الكريم الوافـي الصـارم البتـاع=رقى فـي سنـام المجـد والمركـز السامـي
(ب)برع بالسياسه والرياسـه كريـم اطبـاع=يبرد اكبـود ويحـرق اكـبـود لاقـامـي
( ن)نقـدم ولا نـا لـه وتقديرنـا باجمـاع=علـى مايبـي نمشـي معـه درع وحزامـي
(ع)عبر بالسفينه في المحيطات دون شـراع=وتعـدى خطـر بحـر(ن) الموجـه تلطامـي
( ب)برك للحمول بقـو عـزمٍ وطـول اذراع=وحمى دولة التوحيد من هول الاجرامـي
(د) دخل للفخر مـن دون بـاب ولا مصـراع=سليـل المكـارم والوفـى نسـل الاكرامـي
(ا) انا اقول من مثله حمى الدار من لاطمـاع=وبـث الامـن والرسـى تعاليـم الاسلامـي
(ل)لآنه وريث المجد به مـن الامـام اطبـاع=نهار(ن)طلع صبحه علـى حلـك الاظلامـي
(ع)عسيف المعاني يم نايف تجي مطواع=تجي يم مدحه مالهـا الجـام وخطامـي
(ز) زمام الامور بكف نايـف طويـل البـاع=كريم اليميـن اللـي رعـت حـق الايتامـي
(ي)يمين الكريـم الحاتمـي مشبـع الجيـاع=عسى سيـدي يبقـى علـى طـول الايامـي
(ز)زمان الفتـن لوعـاد واختلـت الاوضـاع=فداكـم رجـالٍ تحمـي الموقـف الحـامـي