يالله ياسامع دعـا مـن يناجيـك=يافارج الضيقات منجـي دخيلـك
يسألك عبدٍ ميقـنٍ بالرجـا فيـك=أنت الامل والملتجـى والتجيلـك
وانت الكريم الي اكثارٍ حسانيـك=نطلبـك وفقنـا لمنهـج سبيلـك
يالادمي لو شفت حيـك وغاليـك=الي تعدى صوب جارك يجيلـك
يومٍ فرح وتعيش بأذكار ماضيـك=ويوماً من الدنيا سريـع رحيلـك
يبقى عزيزك بأزرق الدمع باكيك=وقبله بكيت من الحبايب خليلـك
سكناك بيت دون باب وشبابيـك=اقرب قريبك يم بيتك يشيلـك
لو كان بعلا الصوت ناداك داعيك=ماتسمعه والـي عملتـه نزيلـك
عايش وحيـدٍ لاحبيبـاً يواسيـك=الى دعـاك وسجدتـك وتهليلـك
سنة حياة وماوطى الناس واطيك=ياكيف تبغى ميلها يستويلك
اصلح معا مجري الهايب مساعيك=من شان تفرح يوم تلقى حصيلك