[معلومات العضو فهد الدهمش]

من اجمل المساجلات التي سمعتها كانت بين الشاعرين


(( ثعيل العتيبي )) و (( علي محمد القحطاني ))



قال ثعيل العتيبي::

سلام تسليم على كل قانون = يخضع له القاضي جناح العداله
مني( لبو ميسون) فكره ومضمون = نهدي السلام ولانعده زماله
ماني مصدق في (علي)لو تقولون = قريت شعره واكتفيت بمقاله
في صفحة الكوثر وصفحات ميسون = يلقابها السايل جواب لسؤاله
لو حط مع شعره منالشعر مليون = عرفت قافه كن قافه لحاله
والبيت لاقاصر ولاهوب من دون = اوضح من العنوان فوق الرساله
كثير في معناه والنص موزون = وانا اعتبرته للقصيد انتقاله
يا (علي )فيك الحب والحب .. = عاد الهوى متعلقن في حباله
وانا بعد مثلك مولع ومفتون = بموت من حب البني لا محاله
ما غير خصيتك بالابيات منون = بس جيت عرضك مقصدي والزماله
لا مدورن حاجه ولانيب مديون = كلن على ماقيل يغنيه ماله

فرد عليه علي القحطاني ::

حي الله اللي يبدع القاف بفنون = بداع الابيات الحسان الجزاله
عد الحجيج اللي لبيته يحجون = ما سلم المسلم على البيت واله
حجوا وزاروا ثم عادو يطوفون = و من تم حجه شد لاهله رحــاله
بابيات شاعر كنها صاغ مصيون = زها بها اللي زايدن في دلاله
مفرج الضيقات عن قلب محزون = و تشفي مريضن من لقاه اشتكاله
يا ثعيل كل الناس مثلك يحبون = و انا رمتني في ( المبرز ) غزاله
في عينها اليمنى قصيدبن لعبون = و في عيناه اليسرى الهوى..
جتني مع الشارع تمشى على الهون = مالت بقلبي وانقطع من حباله
عزي لمن قلبه من الحب مطعون = محتــار قلت حيلتهواحتياله
قليل من في الحي حوله ينامون = و عيونه اعطت نومها بالوكاله
كم ناس في الدنيا من الحب يشكون = و اكبر مصيبة من تولع وداله
ياللي على( خيطان) الاول تمرون = مروا جنوبيه وخلو شمــاله
تاكدوا لي يالاجاويد تكفون = عن بيت مقسوم الشوارع قباله
هل عاد ذاك الحي بالحي مسسكون = والا نقل منه وقاصر خواله
خذوا رساله واضحه خاف تنسون = عنوانها يا ريم وادي مناله
يا ثعيل خليت العواذل يملون = اهل النميمه والحكا والنذاله
وارسيت له وسط الحشى قلاع وحصون = و اليوم خليت لمحبه بداله

تحيات ::ابو سعد المسعري الدوسري