ياجرح الغياب ان كان فالحب ماثمنت = لي لله ولصدري عنا الحزن وهمومه
اجامل وانا في طرقة الجرح ماعاينت = لورقا الحمام اللي سجع وبعد الحومه
تولعت بك لنك بوسط الحشا هيمنت = وسريتك مثل مايسري الليل بنجومه
وهويتك وحبيتك ولا فالخيال الا انت = ونيت لك ونت من انزاح من قومه
وفي ثانيه شنيت حربك وفيه اعلنت = وصديت صدة مقفي غابت اعلومه
احزن والى مني ذكرتك دلهت ولنت = وذا فقت لاروحي من الحزن مصدومه
حسافاه يوم امهيت للحب معك ومنت= وفتحت لك نفس عن الناس مكتومه
ودجت بمحانيها وفي دوجتك كونت = مماليك وقصور اولايات وحكومه
وفكيت لك قلبي وفي داخله دونت = رويات ومال وخيالات معدومه
وعطيتك من سنيني ومردودها عينت = جفاء ونفصال وغدر وعذار مزعومه
وبينت لك مافي ضميري ولا بينت = بما في ضميرك من حكايات مذمومه
حسبتك رفيق لي وفي رفقتك ايقنت= وقطفتلك من صدري وروده ويشمومه
لاتشره الى غنيت وبقصتك هيجنت = شف الكبد من كثر المياسيم ماسومه
لا كني على ماصار راضي وانا ماشنت = وهاذي هي الدنياء والاحوال مقسومه
مدام المجامل زل وبطيت ماثمنت = ياليل المفارق صح من ضاع في نومه