[معلومات العضو ابومبخوت الدوسري]

الشاعر حفيظ بن عجب الشكرة يادار لا خانك عدو حميناك

يـا دار لا خانـك عـدوٍ حمينـاك =وحنا دروعك ضد كيـد الأعـاديِ
أرواحنا تذهب ولا توخـذ احمـاك =واسلاحنا تضرب به أقوى الأيـاديِ
والله ما نصبر علـى مـن تحـدّاك =ناصله فـي داره مـع كـل واديِ
لا حاربك كافر يبي يدوس حسنـاك =دسنـاه برجـالٍ تحـب الجهـاديِ
ناطى على وجهه ونجعلـه ينسـاك =ونزيل ذكره مـن جميـع البـلاديِ
يا دار عزّك عزنـا مـن تعـدواك =ما عاد يهنـا فـي حياتـه بـزاديِ
ويا دار حنا لـك سيـوفٍ بيمنـاك =نارٍ توقّـد فـوق رؤوس العبـاديِ
ويا دار مجدك مجدنا دُوم يزهـاك =نصر الشريعة في جميـع النـواديِ
ويا دار والله مالك أمثـال تسـواك =ولا لك بها الدنيـا مثيـلٍ يحـاديِ
ويا دار تيهي واسعدي بين الافـلاك =وتربّعـي فـوق الثريـا ونــادي
ويا دار دين الله يعـزّك ويرعـاك =والله يزيـدك بالسعـد والرشـاديِ
ويا دار بيت الله هو أكبر مزايـاك =ومسجد رسول الله عظيم السـداديِ
ويا دار جعل الغيث يروي صحاراك =وتنبت بـك أعشـاب بليـا نفـادي
ويا دار جعل الخير دايم على مـاك =وجعلك بخيـر يـا مظنـة فـؤاديِ
ربيع قلبي شوف حسنـك ولا مـاك =ولا غبت عنّك غاب عنّي مـراديِ
من غاب عن داره شكا لين يلقـاك =وإليالقـاك يعيـش فيـك بسعـاديِ
هنّي مـن زارك وحـج وتمـلاّك =ومحروم من لا طاف حول السواديِ
كل البشر يمّـك توجّـه وتنصـاك =في خمسها عـن نيـةٍ واعتقـاديِ
يا دار ربي كرّمـك دُوم وأعطـاك =فسيري بشرعه وابعثي نور هـاديِ