[معلومات العضو ابومبخوت الدوسري]

الشيخ الشاعر/ حفيظ بن عجب الشكرة حنا هل التوحيد

هات القلم واكتب على راس قرطاس =حرفٍ من افكاري يدور بخيالي
نارٍ بصدري ثايره مالها راس =ولا لها في داخلي من مجالي
هذا زمان فيه تنعاف الانفاس =من بعد ما ضاعت دروب المعالي
صار المجاهد يطرده كل دسَّاس =والكافر الملعون داله وسالي
هذي هي الدنيا متاعيس واتعاس =والفايز اللي ما خضع للرجالي
الرابح اللي يجعل الدين نبراس =وينصر هل التوحيد في كل حالي
اقطعك يا دنياً بها البوم قرناس =والصقر يلقط حبته في الرمالي
صابر على ظلم الطواغيت الانجاس =وثابت ولاني هايبٍ ما جرى لي
والله لا صْبر دام الانفاس تحتاس =في داخلي والنفس فيها توالي
حنّا هل التوحيد يا شارب الكاس =ما نخضع إلا في صلاة التوالي
يا رب صبّرنا على قسوة الناس =والظلم يا ربي سريع الزوالي
البيت ما يبنى على غير ما ساس =والساس هو طاعة عظيم الجلالي
من خاف ربه فاز من بين الاجناس =وحصّل مراده في الجنان العوالي
وصلاة ربي عد ما هب نسناس =واعداد ما حامت برووس الجبالي
على النبي المصطفى خير من داس =فوق التراب وفوق ذيك المجالي

ان شاء الله تعجبكم