اصد من وجه الهبيل المفوه = اللي على اعراض المخاليق منقاد
لصار راسه خاليٍ من المروه = ماني مكلف به ولانيب نشاد
البعد اخير من التقرب لضوه = وما يشرح الخاطر منه كون الابعاد
في خايعٍ يطرب خضاره وجوه = قفرٍ من الدايج ولا حوله ابلاد
عند البكار موالفات المدوه = اللي امباراهن من أيام الاعياد
يشفن كدر نفسٍ قديمٍ وتوه = لوحيت في صدري مع الضيق ميعاد
وخير من خبلٍ لي يسوق سوه = خبلٍ مشكك ومخلفٍ سلم الاجواد
يحسب رفيقه مثل حسبة عدوه = وما حسَب لشامت ومبغض ونقاد
حبيت ابين عن هجوسي ونوه = والعمر رحله بين نازل وشداد
محمدبن سالم بن فهيد..... القصيدة الثانية التي أقرأها ك....
والتي أستطيع ان اقول بعدها أنك شاعر يصفق له العامه على سهله الممتنع
ابداع له بصمة خاصة تحمل توقيع محمدبن فهيد...
يعلم الله كم تفاعلت مع هذه القصيدة وكأنك تتكلم عن مايدور في نفسي....
ولكن لم استطع تعبيره.. لأنه ممتنع علي!!!
ويحمل توقيع محمدبن فهيد. سجل اعجابي بشاعريتك التي تنم عن ابداع
خاص لايتذوقه الا محبي الشعر الحقيقي.
اتمنى ان ارى المزيد والمزيد من ابداعاتك. وتقبل مروري