[معلومات العضو غلا نجد]

http://www.qassimy.com/nu/voices-act...ow-id-2856.htm

الا واهني اللي من الهم مادرا =حياته بوسط البر ما يشغله طاري
مع الطير والمقناص ساهي عن الورا=يسامر نجوم الليل والليل قماري
على كفه الايمن نقل حر اشقرا= على الخرب لامنه كفخ جاز من ضاري
سرا فوق شاص العز والنجم ماسرا =بليل الشتااء والبرق في ظلمته ساري
انا اشهد بان الشاص هيبه ومنظرا= وراعيه ما حسب احساب للاخطاري
تزوره صليب الراي شهم يقدرا=ومطنوخ للخوه وللمرجله شاري
يجي للفياض ويفترش زل اخضرا= وجلست صحاء مع صوت تغريد الاطياري
ويسكب من البراد شاهي مخدرا =يعدل المزاج وانشد بعذب الاشعاري
يشوف المزون وسيلها عقب ماجرا= خباري عليه البدوا ورد ومصداري
لهم فرحت ووجوههم نوره اسفرا =من النعمه اللي ساقها الواحد الباري
عيون من الراحه امعاود له الكرا =عقب ما انجلت ضيقه وهم واكداري
له الفضل رب الكون يحمد ويشكرا =سنين المحال اقفت ولا عاد له طاري