بسم الله الرحمن الرحيم
اخواني هذي قصيده قلتها بمناسبة حضور الشيخ محمد بن مران بن قويد لحفل زفاف حليس بن سعود الخييلات في الكويت ... و ما اقول الا عساها تنول على اعجابكم
زادي قضى يالله عليك الزودي=يالله بعد ٍ ناضح ٍ مارودي
يروي ظما راعي الهوى مع ذوده=لا درهمت قدم الرحول الذودي
و تال الحكي من عقب طلبة ربي=نظم ٍ ورثته من تراث العودي
ورث ٍ ورثته مانيب باخل به=يقوم قومة بندقي و بارودي
بصك لي من در شعري عمله=و اخطها بإسمي و بإسم جدودي
تفرق بسوق الشعر فرق ٍ شاسع=فرق الخشب عن منبت الكمبودي
و اكبر فخر لي موقفي ذا الليله=اعد شعري والنشاما قعودي
امدح رجال ٍ علمها موزيها=عن كل نقد يا هل المنقودي
خضر ٍ مرابعهم و بيض انفسهم=حمر ٍ مخادمهم وساع بنودي
دواسر ٍ نتبع هوى مجهمنا=نقرن هوانا مع هوى المفرودي
سلومنا في كل ديره شاعت=تنضد كما اللولو لا جا منضودي
و بأخص بالذكر الجميل محمد=ولد الرجال اهل الكرم والجودي
له ماقف ٍ في كل منبر يذكر=يوم إن ولد أمه قليل الفودي
ولد الامير اللي شهر من فعله=خطلا يمينه كل يوم بزودي
في كل عليا ذكرهم متمجد=يصدح بذكر العود مية عودي
فيا مرحبا يا محمد ارحب ارحب=بين الرجال اللي تعكف السودي
لاد الخييلي بلشة المتغطرس=لطامة عداها دوا المقرودي
خيالة الشرفا جبال ٍ عسره=في اللين لين و في القسا جلمودي
و ختامها صلوا على العدناني=عداد ما ذعذع نسيم النودي
و سلامتكم .. و عسى ما قلناه يحوز على رضى الجميع