قالوا جنوباً بارقاً قلت عله=عله على مانشتهي من وطنا
لامن تزين مدلهمه يهله= منه الموارك والحقاوه رونا
ومنه المفاريع ارتوت عقب عله=وديانها صوب الفياض احدرنا
بطن وظهر مافي طريقه يشله=منه المواهب والثلاث امتلنا
عم البياض مبكرٍ قبل حله= قلايد الوسمي عليه امطرنا
وحدر على القانس قنوفٍ مظله= اسبل مطرها والرعود ارزمنا
يازين شوف السيل يازين دله= منه الديار الممحله يخضرنا
من عقب ماهي ممحله مضمحله=فيها نواوير النبات ازهرنا
فيها ام سالم بالطرب مسفهله= وطير الحيا لاسوّم الصبح غنا
يلعب طرب ماهو على فقد خله= يشكل الحانه على كل فنا
يطرب له السامع ويعشق غناً له= في خايعاً قليقلانه تثنا
ممشاي خالي بالفياض المطله= قدام ملحاً من مواريث اهلنا
الذ عندي من قصوراً وفله=واشرح لصدري من قصورٍ تينا
نتبع بها البراق شده وحله= ومنين ماهلة مزونه نزلنا
وكلن على ماقيل يتبع هواً له= زانت وولت غبر الأيام عنا
هذا وانا لي منزلٍ مرقبٍ له=بين الخشوم النايفه لرعفنا
قفرٍ خلا راع الطرب مايمله=بالحقو الأوسط جت على من تمنا
دار عزيزه ماغشتها المذله=في ظلنا تامن وحامينها انا
دارٍ عليها كل كبدٍ مغله=ولولا طعنا دونها ماسكنا
في ما مضى يوم العصور المقله=من دونها نكسر شبا من تعنا
حنا معيلة الطـراد وهـلٍ لـه=فرجان مازرفل مخيـفٍ ضعنـا
يعقل بنا الجاهل ويحسب خطاً له=حسنيـةٍ وافعالـنـا يعرفـنـا
تفخر بنا بندق وحربـه وسلـه=وصفرٍ نهار الهوش ماهي تعنا
لامن رموا من فوقهن الأجلـه=وتلافحـن باذيالهـن واجلعنـا
ياسعد منا باللقـا فزعـتٍ لـه=وياويل ويل اخصامهـن لقبلنـا
عليهن الـي بالمواقـف جبلـه=دواسرٍ زبن الخريـش المجنـا
سوالفاً عندي عليها الأدله=ماهي تعابيرٍ وهقوه وظنا
عن الشريف اسأل وعن ماحصله=يوم التقينا خف قومه طعنا
الهاشمي خلى على الدار حله =وارماحنا بنحورهم شرعنا
راح الشريف وراح بالكبد عله= كله لعينا اليامي الي زبنا
وجريس تعرف قصته بالسجله= مثايله بافعالنا يشهدنا
جانا وهو خالي من المال كله= وهدب الجرايد في ثمرها تهنا
والبل وحمل البل دقاقه وجله=نعطي ولا نتبع عطانا بمنا
والجار مانرضى على الجار زله=حتى من جداره حميناه حنا
وعبلان يثني والثنى عادتٍ له=حث الركايب بالثنا لين جنا
نصى الركايب باللثناء مدهلٍ له= صوب آل زايد حامية كل دنا
عدوهم كثر السهر عادةٍ له=وخطرٍ عليه يساعف الخوف جنا
بيض الله وجهك يامسعود
وياجعل يمناك مايجيها العطب
تحياتي ابو زيد الغييثي