من ينكر المعروف هذاك هافي=ما ينكر المعروف يا كود جحّاد
يبقى الوفا لأهل النفوس الخفافي=اللي وفاهم من على عصر الأجداد
رد الثنا واجب على كل وافي=واجب على من يعرف اسلوم الأجواد
ومنهو وقف وعزوم نفسه ضعافي=ما يعتلي للطايله بين الأشهاد
المرجله ضلعٍ طويل ونافي=يرقاه منهو روّض النفس بجهاد
ماهيب هرجه بالرخا والعوافي=يقولها من جا يبيها وتنقاد
المرجله نهرٍ بعيد الضفافي=يتعب به السباح في كل ميراد
والطيب لهل الطيب مابه خلافي=ومع التجارب ينكشف حد الأمداد
قولٍ لعمي اقتبسته بقافي=مضرب مثل تحكيبه قروم الأولاد
وختم الكلام بقاف من نظم شافي=ازكى الصلاة لسيد الخلق تنعاد
اخوكم
شافي القويسي المخاريم