صباح الخير احبابي في الله
ابيات بسيطه ومتواضعه
كانت بداية فكرتها غزليه الا انها
ابت ان تاتيكم الا كما تشاهدونها
اتمني من الجميع اقل درجاة
الاستحسان والرضي عني وعنها
واعذروني احبابي الكرام
الله الله
ياحب وين الوفى =في ذا الزمان اختفى
الله عساه يعفى =هو راس مالي عفاه
احب ياوقت ماين =تعبت آآآآه وأنين
ولا لقيت الأمين =اللي لي الله هداه
والحب ماهو مريح =ياويل من به يطيح
والله ليبطي جريح =لامن حبيبه جفاه
يانعنبو ذا الغرام =ناراً علي باالحرام
ولاينعرف له نظام =ياويل من هو صلاه
اللي يدش الهواء =لامن سرح ماضواء
لو كان رتبت لواء =من الهواء واعظاه
واليا ظوى ماسرح =ولاتهنى بفرح
وين الفرح والمرح =من عينه من لقاه
عجيب والله عجيب =ازريت اعين حبيب
مدري ماليه نصيب =وقتي عطاني قفاه
وانا اطرده وانشده =والوقت يامفسده
ماباقي الا اعبده=والحظ ميت رجاه
ياوقتنا ياالجحود = انا بك ارقى سنود
من طيبت اصل الجدود =حنا حليل العصاه
احليل قومي لحال =اثقل من ارس الجبال
نعم .. !! ونعم االرجال =مقطع لحق .. !! وقظاه
وسليم ربعي حرار =من عصر حرب الفجار
خاضو ماخلف البحار =بيام فتح الغزاه
واليوم يالحب كيف =اجلس بلي وليف ؟
وانا مليه وصيف =تضع بدربي حصاه
بحاول اني ما حب =لاكن مافي طب
ربي ياربي يارب =ابغى حبيب اهواااه
فا لهمني الله الكريم =حب(ن) وربي عظيم
ماهو بحب الحريم= ماخاب من هو دعاه
لقيت حب حلو =وحبيته انا بغلو
تعالو اتأملو =قد ايش ياخي حلاه
ياحلو حب الرسول =راعي هذيل الذلول
فيني لحبه ميول = ياليت اموت بغلاه
ماشي على سيرته= واعيش انا بديرته
والخير من خيرته = ماحب شخص(ن) سواه
افداه . با مي, وبي =و بديني, و مذهبي
(انا حبيب النبي)= واحب ما قد رواه
احب كل سيرته =واموت من غيرته
يالله في جيرته =افدى مواطي خطاه
شفيعنا أشفع شفيع = عند االبصير السميع
في يوم يذهل رضيع =مابين صبح وضحاه
ومن يرغب شفاعته = يحفظ له اوداعته
مايرخص ابظاعته =ويهدر لجله دماه
ياخسون عنه اليهود =قوم البقر والجلود
في حكم آل السعود = الدين ربي حماه
واسألك ياربنا= تحفظ لنا أبنا
اللي بعد حبنا =ولا وجدنا كماه
زعيم كل البلاد= ظفر وبعيد المراد
شيهان حر الهداد =صقراً تعلى سماه
عساه عمره طويل =تفداه كف البخيل
انا لحبه اميل =من طيبه ومن صفاه
يالله تحفظه لنا =اسألك ياربنا
واحفظ لنا ديننا = وعزنا في ذراه
أذا الارض أرجفت =وجبالها نٌسفت
وعشارها عطلت = معاد تقبل صلاه
هذاك يوم الحساب = يالله بحسن الثواب
جعلي مع من أناب =معاد فيها حياه
يارب تشفع لنا =ورحم لنا حالنا
وسع بامنزالنا =نهار نبعث حفاه
وختامها يامعين =سلامة السامعين
ياهل الوفا الغانمين =كل(ن) على الله رجاه
كلٍ على الله رجاه
ياهل الوفا الغا نمين
كلن على الله رجاه
وسلامتكم
تلميذكم الصغير
محمد الجبريني الحليلي السلمي