اقتباس:
المشاركة الأصلية كتبت بواسطة حسن بن بطحيّه الودعاني
بس أنا ما جيت أدور ضوء وفلاش وصفير=مقصدي سامي وكسبي ما يجي فيه إقتسام
جيث وأبغى قول كلمة تقرع بوسط الضمير=و واجبي يفرض علي أقولها حسب النظام
من هنا بدعي خيار القوم من شيخ وأمير=دعوةٍ يشقى بها الطيب عساها فيها تمام
ودنا يكمل تجمعكم ويثمر كل خير=للمريض وللفقير وللأسير بكل عام
والمهور إللي طغت وش لون يقواها الفقير=من ضحاياها العنوسة والشباب أعرض وشام
التناحر والتنافر والتخاصم ما يصير=والتسامح والتواضع سيرة إرجالٍ عظام
المشاكل كوم ما يقوى يقوم بها البعير=والحلول إقبالها واجد تبي عزم همام
عالجوها وابتدوا من اليوم تقرير المصير=لا تخلون الحمل فوق الجمل ماله اخطام
لتكافل والتقدم عجلوا حث المسير=بارك الله جهد من يسعى لتحقيق المرام
الأمل فيكم كبير بقدرة الحي القدير=فكرة الموضوع مطروحة ومنكم الإهتمام
|
الشاعر الحقيقي هو من يشيل هموم ربعه
ولا يبحث عن شهره او مقاصد دنيويه
وباذن الله سيكون التوفيق حليفه
رضي من رضي وسخط من سخط
الأخ العزيز
حسن بن بطحيه الودعاني الدوسري
جملت ربعك
ونومست كل الدواسر
مشكور وماقصرت
وحق أن نشكر أهل الحفل وأهل الكرم الغييثات
والشكر العظيم موصول لكل من ساهم بأي دعم ولو كان معنويا في سبيل تعزيز مكانة الدواسر صاحبة الولاء
الحقيقي والمعروف للمملكة العربية السعودية والمواقف المشرفة دائما.