الصبح ما هو صبح لا عتم الليل=لو كان تشعاه النجوم الولايع
من مفرق الحشمه لبعض الرياجيل=تصير هقوات النشاما بضايع
تنباع جنب الزيت والجبن والهيل=وتصير صنعه في يدين الربايع
اخاف ينساق الفضل والفناجيل=إلهن قبل شارب كريم الطبايع
والا الردي لاصار مايسرج الخيل=ضايع ومايقضي من العمر ضايع
لو كان ينسب للرجال المشاكيل=اهل الفعول الطيبات المنايع
الشري لو يزرع على شاطئ النيل=عده بعد مقلوع ضمن القلايع
سويت لي مدخال ضمن المداخيل=ما أطيع لو ان اكثر القوم طايع
هذا أنا خل الرخوم المهابيل=علمي وقلته واكثر القول شايع