الحال يالي تقول اشلـى ماهـوب اشلا=الحال من حـب بعـض النـاس متـردي
اقـول يمكـن مع الايـام منـه اسـلا=والمسئله حسب ما اشعر عـودت جـدي
يركي على القلـب كيّاتـه واقـول أحـلا=قمت اتبعه وأمر قلبـي مـا هـو بيـدي
بدايتـه كـان تمثيـل عـسـاه اتــلا=لعـاده الله ولا مـن جابـهـا عـنـدي
موضوعهـا قصـة للمخرجـه (نـجـلا)=قصة غرام جرت فـي سالـف العهـدي
جيت العب الدور اناعنتـر وهـي عبـلا=والنص مفتـوح مالـه سقـف وحـدي
حاولت ما أطب فـي المحظـور الأعلى=ماخرج عن النص في المضمون والسردي
لكـن هيهـات تلقـى بالهـوى عــدلا=مجبور تيار طـاغ الحـب جـاء ضـدي
لانـا ولاهـي بغينـا ماحـصـل كــلا=سيف الهوى طاف سيف العذل مايمـدي
نلعـب بنـار الهـوى وقلوبنـا وجلى=لين استعـزت شبـوب النـار بالكبـدي
والنـارلا ولـعـت ماتنتـظـر مـهـلا=مايطفي النـار كـون البـارد الشهـدي
ياراعـي الجمرتيـن الدمـث والـذبـلا=يابـري حالـي علـى هذيـك ياوجـدي
يا أجمل معاني لإسم هيفـا واسـم بتـلا=ما تحتويه ابلغ مـن الوصـف والعـدي
كـان اليالـي بعـذب مواصلـك حـبـلا=يامتعـة الشـوف ياحضـي وياسـعـدي
يا اصعب السهل جعل الصعب لي سهـلا=ماعـاد عقبـك ولاقبلـك لـي مــودي
اسـدل ستـار النهايـه مابقـى فصـلا=لاجيك من ضغـط حبـك فاقـد رشـدي
الله الله عليك يالوحيد
صح الله لسانك وبيض الله وجهك
اشهد انها قصيدة جزلة ومليئة بالصور الابداعية والالفاظ المنقية الجزلة
والشئ من معدنه لايستغرب ونتمنى ان تتحفنا بالمزيد من هالنمونة
والشكر موصول للاخوان اللي اعدو ونشروا هذا اللقاء المميز
وتقبلوا تحياتي