[معلومات العضو عبدالله الدوسري]

حسبي على اللي ضيّعوها فلسطين=وين أنت يا (ياسر) من حصار غزّه
يا من شعارك (يا اسرائيل تبطين!)=ما هو صحيح إن( كلّ جزّه بفزّه)
راحت كذا ما باقي إلا شريطين=ما به ضميرٍ للمشاعر تهزّه
البيت الأقصى تجْتوِلْه الشّياطين=و الشّعب الأعزل تحصده كلّ حزّه
بين المخالب و الثعالب محاطين=من شين حظّه كل عينٍ تخزّه
كأَنّْ ما به للعروبه سلاطين=مليار مسلم يشحذون المعزّه
لا شفت (ابن لادن) و لا شفْت حطّين=يوم إنْه يقرا في الكتاب المنزّه
(سجود) ماتت و العوض في البطاطين=و الخيل تربط ما تعدّى ملزّه
تكفى يا أبو متعب ملاذ البسيطين=شِبّ الجهاد و بيرق الحرب رزّه!