السلام علكيم ورحمة الله وبركاته:
هذي قصيدة ثناء على الشيخ حجاب بن سعد الحطيم شقيق الشيخ ضاري بن سعد الحطيم أمير آل سلمة من الغييثات ، بعد وقفة غير مستغربة للشيخ حجاب مع ابن خالي الأخ/ فهد بن فهيد بن مبارك المسعري ، وأعتذر إن قصّرت الكلمات في رد الثناء لهذا الرجل النادر في زمانه.
يالله يامنشي ومجري سحابها = يا باسطن ارضك لمنهو مشابها
ياحي ياقيوم سهّل امورنا = وطلباتنا يالله تحقق جوابها
هاض القصيد وهيضه موقف البطل= اللي علومه يفتخر من حكابها
لاقيل منهو قلتنا حجاب ربعه = شيخ رقا بالمجد عالي هضابها
حجاب بن سعد الغييثي ومثله = يستاهل البيضاء شجيعٍ حضابها
ابوه من قبله وقبله جدوده = شجرتن تظلل كل حيٍ وزابها
واخوه وسناده على العز ضاري = شيخ القروم اللي عداها تهابها
من لابةٍ فالحرب تعرف فعولهم = أهل الثمــان متعبّـة من نوابها
غييثات ترد الموت يوم الهوايل = وعدوانها ماتهتني في شرابها
موسعة حد الدواسر بفعلهم = فعل الرجال اللي تروي حرابها
وحماية التالي ليا شوّش العدو= ترد المخاطر ما تحسّب حسابها
ومزبنين اللي نصاهم من الخطر = يوم القبايل عدته ما لجابها
حموه مع باقي زحول الدواسر = وراس الشريف موسدينه ترابها
فعل على مر التواريخ شاهد = ورثٍ من الشيبان لآخر شبابها
وانا ومهما قلت فيهم مقصّر = لو اتعب الاقلام واملا كتابها
قلته وفعل الطيب هاض القريحة = فاللي علومه يفتخر من حكابها
ماقام في ماجوب النشاما وكمله=الا صميدع راس مثله وجابها
ابيض وجه ياحجاب راع المواقف = ترفع لك البيضاء مع اللي مشابها