[معلومات العضو خالد الوطيب]

السلام عليكم ورحمة الله وبركاته






قصيدة في وفاة أعز الاصدقاء وهو أحد أبناء قبيلة مطير الشهيره ونسأل الله العزيز القدير أن يشمله في واسع رحمته وأن يلهم اهله وذويه الصبر والسلوان

يالله ترحمني ليامن صرت فالقبر أمحشور = لحظة وداع الاصدقاء وأدموعهم متسايله
أعوذ بك من فتنة الدنيا ومن ضيق القبور = وأعوذ بك من نزغة الشيطان ومن عمايله
يارب جنبني عذاب النار يالحي الغفور =وأجعل نهاية رحلتي مصحف يميني شايله
أخطيت وأدري فالخطا لو بعتذر ماني أمعذور = أذنبت وأتعبت القدم وسط الدروب المايله
ياويش باقي بفعله والضيق عنوان الصدور = ألا دعاي وجعل ربي يستجيب أدعاي له
البارحه هبت علي ذكرى تقلبني شهور = ذكرى وداع أغلا خوين كلبونا نخايله
عز الله أني يابو خالد في فقد خالد صبور = يالوع كبدي كيف تقوا أكتوفنا تتشايله
الصبر مفتاح الفرج والحزن تاليه السرور = وما مات من يسجد لربه كل فجر وقايله
حنا عيالك يا يبه لاتنحني وأنت الجسور = وخالد أخونا وألتفت تلقى بنا خصايله
والموت حق وكل منا فالمقابر له حضور =والقبر أخر الادمي محا الولي هوايله
الله عطا والله خذا سبحانه المعطي الشكور =ولادايم ألا ربنا وأنفوس خلقه زايله
يالله حسن الخاتمه وأجعل لنا فالدرب نور = أشكي عليك الهم وغيرك مارتضي بشكاي له
عفوك ليامن غرغرت الانفس وضاقن الامور =لامن وقف قطارنا وتوقفت سجايله
العين ملت دمعها والقلب فالحزن أمعصور= ومالي سوا رجوا رحيمن سامعن رجواي له
والذكرى اللي خيمت في خافقي عدت شهور = والله ماتمحا وجفني غارقن ببكاي له
نذرن علي ماقسى من الطعنات في وسط الظهور = ألا وداع أغلا خوين كلبونا نخايله