اقتباس:
المشاركة الأصلية كتبت بواسطة بدر بن صقر العجالين
أولا : اعتذر من أختنا الغاليه ( نجديه ) على تأخري بالمشاركه ، وأحب أهنئها وأشكرها على أفكارها ومواضيعها البناءه والهادفه..
ثانيا : أهنئ أخواني الشعراء ( تركي بن هذال بن نيف و فيصل بن جزاء ) على فوزهم بالمسابقه وبالفعل يستاهلون كل خير وصح الله ألسنتهم على مجاراتهم وعلى أبياتهم اللي طروحها وأقول أيضا لكل الشعراء والأسماء اللامعه التي شاركت صح الله ألسنتكم وبيض الله وجيهكم أيضا..
ثالثا : يسعدني المشاركه معكم بأبيات متواضعه كمجاراه لأبيات شاعرنا المحبوب (فيصل بن جزاء) تلبية لطلب الأخت الغاليه ( نجديه ) والعديد من الأعضاء الذين طلبوا مني المشاركه واتمنى اني اكون عند حسن ظنكم والله يقدرني ان شاء الله ،،،، استلموا :
الواقع أقشر واصدق العلم مدفون=من يقتل المقتول جا في ضريحه
والدين متفكك وبالشعب طاعون=طاعون غزو الغرب جا يستبيحه
ولا العرب في مؤتمرهم يفزون=مير ان فزتهم سبب كل طيحه!
رئيس غزه بكبره يبوس شارون!=شفناه بالأعيان الله يبيحه
وشلون ننفعهم أنا أقول وشلون؟!=دام ان حماس وفتح اكبر فضيحه
خوفي على (الأقصى) ولا الباقي يهون=هذي الحقيقه والمعاني صريحه
ولا العرب ناموا ودايم ينامون=ماعاد تنفع يالربع أي صيحه!
دايم على الأطلال(1) صاروا يغنون=والحكّي واجد والنتايج شحيحه
(1) : (جمع) طلل: آثار ومواطن الذكريات.
وتقبلوا تحياتي،، |
صح السااانك ع هالوصف اللي يحكي الواقع
سجل اعجابي بماكتبت من ترجمة بحروف احساس شاعر مبدع
ومشكوره نجديه ع الفكره