كل عام وانتم بخير
والعيد عليكم مبارك
تقبل الله منا ومنكم صالح الاعمال
معزوفه راقت لي اتمنى ان تصل لمستوى الذائقه
ماتصنعت المشاعر لأجل أبرهن من أكون=كان همي إني آصل ساحلك ياأغلى غرام
أبتسم ساعة أشوفك وأنسى أيام الشجون=وأتخذ لأجلك مساحه في مواعيد الزحام
لا تلاقينا وشفتك قاسي الغربه يهون=والفرح يسري بدمي ويخترق صلب العظام
وإن تفارقنا دقيقه مالت أوراق الغصون=والدقيقه في عيوني شفتها الفين عام
الغلا ماهو حكايه تعتبر ضمن الفنون=الغلا عشته بقلبك ياقمر وسط الظلام
لو درا بصادق غرامي الغدر حرم يخون =ولو يعيشه كل مذنب إلتزم بعد الحرام
والبلابل لو تحسه زادت أنغام اللحون=وبه تغنت وإهتفت به وغارت أسراب الحمام
والبحر لو قاس حبي صارت أمواجه سكون=وقال أنا قطره وجف وأبهر أحلام الأنام
حتى قيس اللي تصدر قائمة أهل الجنون=واللي أهل العشق أخذوا من أساطيره وسام
كل حب غير حبي لك مثل همال المزون=يستمر وقت السحاب وينتهي بعد الغمام
وكل شعر غير شعري مايفي باللي يبون =تكتب حروفه أحبك ونيته بالإنتقام
أتحدى وأتحدى وأتحدى من ،،،يكون= إن مافي قلب غير قلبي حبه صادق بالتمام
الغلا قصه وصارت بيني وبينك (جنون)=صغتها بشعور قلبي قبل ماابدا الكلام
الغلا واقع أعيشه معك مايرضى الظنون=واقع أجمل من خيال واقع نبراس الوئام
بطلبك قبل أنتهي دامك لإحساسي تصون=إن لحظات التواصل نغتنمها إغتنام
مانبي الأيام تمشي والمشاعر يلهثون=والخطاوي الهاويه في سراديب الخصام
والأمانه في النهايه ياحكي حب العيون=لافهمت حروف شعري ضمهابعد الختام