قصيدة لشاعر / سلطان المسعري اتمنى ان تحوز على رضاكم
ياللي تقـول انـك ملكـت الملاييـن=وتفـرّق القيمـان يمنـة ويـسـرة
تـراك ياذيـب الغـداري لهالحيـن=الدرب قدمك يااسحم الجنب واسـره
درب يضيـع بيـنـات العنـاويـن=وطرقه على اللي يبغي المجد عسرة
وان كان لك عقل وضمير ونظر عين=بتميـز المدفـون عسـره ويسـره
تلقى على وجيه الرجاجيـل نوعيـن=وجيه تضحك زيف ووجيـه بسـرة
فكر بعقلك واعرف الزيـن والشيـن=واللي ربحت من العـرب لاتخسـره
من شان لو قدّر لك الـرب بعديـن=وركبت جسر المال وانهـد جسـره
منتـه بميـت ياسعـوط المجانيـن=من فارق الامـوال مامـات حسـرة
لكـن اذا مالـك ربـوع ومحبـيـن=والله ماتلقـى مـن الخبـز كسـرة