بمناسبة الحفل الذي اقامه الأخ العزيز الشيخ / محمد بن مرآن بن قويـــد احتفالآ بترقيته الى رتبة مقدم وحصوله على درجة الماجستير . وحيث تشرفت بالحضور والمشاركه من ضمن زملائي الشعار 0
وحيث هاضت مشاعري بهذه المناسبه فأني اهدي الشيخ محمد بن مران هذه القصيده وأرجو ان تنال اعجاب الجميع 0
ي
يالله يالواحد ولالك ثاني = انت الأله الواحد الرحماني
اطلب رضاك وطاعتك والجنه= وانك تقديني بنطق الساني
من بعدها ياسامع ماقوله = اقبل سلام الشاعر الودعاني
شاعر ومن حقي امثل ربعي = أهل الوفاء اللي تكرم الضيفاني
في حفلة جاني ندا راعيها = ولي الشرف يوم رسوله جاني
لبيتنا الدعوه وجيت مشارك = العز كله والفخر يحداني
في حفلة ابن قويد راع الريشه = شيخ وساسه منبع الشيخاني
شيخ تعزوابه شيوخ غيره= لاقوس البارود والدخاني
تعرف مراكيضه ويدرى فعله= على ظهور الخيل في الميداني
له حربة في ظربها مسمومه= وله جرة يشبع بها السرحاني
يا محمد المران مطيب ساسك = انشهد مافيك سر اهداني
مران ابوك اللي تعد افعوله= وخوالك اللي بالقاء شجعاني
لاد المنيعي محتمين احدودهم= من يمة العتبان والسبعاني
حزت الشرف والعلم غصت ابحوره= ولاهو غريب المجد لك عنواني
واقبل سلامي يوم جيت اسوقه= ومغلفه بالورد والريحاني