[SIZE="7"]SIZ السلام عليكم ورحمة اللة وبركاتة قصيدة قديمةعساها تكسب رضاكم:: ماطاعني وقتي لاكن والله ماطيع والله ماطيعه وهاذي طبيعه رجال طاعو بس سارو جرابيع ماني بطايع له وجايع وجيعه وانا خوي الذيب راع المشاريع ولا الردي واقد بكبدي وليعه مع النشاما اشري الطيب وابيع ومن باعنى باطيب ياسهل بيعه شاعر وماهر رافع النفس ترفيع واسبح مع الشعار سبحه سريعه واطرب بفعلي لابسات الدراريع واقهرك يالي لك علومً وظيعه وذكري مع الي ينطحون المفاجيع واكرم عن الي كل شيً يريعه وبارواحنا دون القرابه موانيع وبفعالنا حنا رجالً منيعه والجار له حقه وحنا له نشيع يبشر بعزه كلنا له دفيعه والضيف له واجب وحنا مطاويع ولكل ضيفً له كرامه رفيعه والي يعادينا يشوف المشانيع نلعن شياطينه ونلعن صنيعه واستغفرك يارب من كل ماشيع يالله عسانا لك رجالً مطيعه يارب وقتي يوم شرب القراطيع شرب الدماء شرب المياه السنيعه ابكيك ياوقتً غدى بك تناويع سارت علومك لنشاما فجيعه الوقت هاذا وقت حمود و ظفيع وقت الهبا وقت الخبا لي فضيعه لكن على الي له هبوب الذعاذيع اني على طبعي وهاذي طبيعه على طبوع الي ( تمالو مع الريع) يوم الحرايب والوقايد وليعه وسلامتكم ... اخوكم الشـاعر :: مطلق ظافر فالح ال ظافر الشكرة الدوسري المجد وديان والدواسر مراقيب = والمرجلة صيد والدواسر ذيابة