في حفل الشيخ محمد بن مران بن قويد بمناسبة حصوله على درجة الماجستير وترقيته إلى رتبة مقدم ، وبرعاية الوالد الامير مران بن قويد
وحضور وجهاء وأمراء وأعيان من قبائل متعددة
ألقى شاعرنا نايف بن مسرع ( أبيات ترحيبية ) لاقت استحسان جميع الحضور وتناقلها الحضور والمشاهدين بعد بثها تلفزيونيا فأحببت نقلها لكم: ــ
السلام ورحمة الله و التحية = ياهل العادات وافين الخصايل
بالنيابه عن شيوخ صيرميه= أرحبو ترحيبتن تشفي الغلايل
أرحبو في حلة ماهي غبية= أبين من الشمس في وقت القوايل
باسم أبو زابن وريث أهل الحميه=سقتها تقدير لكرام السبايل
ودام شعري ذاخره لامثال ذيه= ليلة فالعمر حلياها قلايل
ليلة بالمدح حجتها قويه=حفلة الشيخان ما ضين الفعايل
عزوة ياقف لها الماضي تحية=الشجاعه ورث والشيخه سلايل
قبل ماتصرف ختوم الداخليه =ختمهم معروف فظهور الاصايل
يوم زفق الدم في نجد العذيه=سطوة ابن قويد ماتبغا دلايل
لين دانت واذعنت للدوسريه= جنة في نجد بين أعتى القبايل
الجهام يرودها صبح وعشيه=والغروس بجالها قامت تمايل
فى حمى اللي للعدى نار لضيه= وللضيوف أكرم من مزون المخايل
ماخذيناها عطا ولا هديه=دافعين حقها وقت الصمايل
سورها إنا من عصور الجاهلية= من نواها مكسبه منها فشايل
كلمتين قلتها ويحق ليّه = فاحتفال اللي من الناموس طايل
محمد(ن) واللي سواته حي حيه=قبل لبس التاج يكسب للجمايل
مقدم(ن) من عاد هالدنيا صبيه=من عصر جدان جدانه الاوايل
وبالنيابة عن حفيد أهل الحمية=الشيوخ اللي يقودون الفصايل
أرحبوا في حلة ٍ ماهي غبية=أبين من الشمس في وقت القوايل
عزوة ٍ ياقف لها الماضي تحية=الشجاعة ورث والشيخة سلايل
قبل ماتصرف ختوم الداخلية=ختمهم معروف فاظهور الاصايل