بسم الله الرحمن الرحيم
أول قصيده للشاعر سطام يرحمه الله
قلبـي مدينـه للعنـاء والغرابـيـل=اسوارهـا هـم وسمـاهـا قــراده
لا لاقـيٍ جنـه ولا مـن محاصيـل=وابغى السعاده بـس مامـن سعـاده
تعبت والحيل انتهـى مابقـى حيـل=والحزن صار بخافقـي لـه سيـاده
رجح شقاء وقتـي علـي بالمكاييـل=واخذت مـن صكـات بقعـا شهـاده
ياسيـد حساسـي لديـك التفاصيـل=وعندك دواء قلبـي وعنـدك مـراده
تدري بأنك بالغلا صـرت لـي نيـل=وسحرك لبسته مثـل لبـس القـلاده
وخليت عيني لو تبـا تمـل ماتميـل=اصبحت عاده ( يلعن ابـوك عـاده )
اشباح طيفك كنهـا جـارف السيـل=لامـر طيفـك رحـت معـه ابـلاده
صاحي ولكن لعبـة الحـط والشيـل=كبرت علـى اللـي ماتهنـى برقـاده
احيان اشـك انـك فـرج للمقابيـل=لادك داكــوك الـظـلام بهـجـاده
وانشد واصيح بعالي الصوت يا ليـل=يا ليـل تكفـى صيـح ويـاي نـاده
يالصاحب اللي ماتخفـاك المواويـل=يا كم سهرت وبشتك اضفـى سـواده
علّي وانـت ادرى بكـل المداخيـل=يا صاحـبٍ حبيـت فيـك الركـاده
والله وربٍ نـزّل الـذكـر تنـزيـل=انـي اشـك انـي عبدتـه عـبـاده
اشبهـه كنـه شـرودٍ مـن الخيـل=وحشيـةٍ ماهـي بحـكـم وقـيـاده
مذيره .. شقراء ذوايب .. على ذيـل=كنـه جدايـل صاحبـات السـعـاده
شمعة زماني .. والفرح .. والقناديل=ملهم قصيدي .. نبض شعري .. مداده
قاتل دموعـي .. والعـزاء للمناديـل=مطفي لهيبي ... والعزاء في رمـاده
شطرنجي اللي ناقصـه قلعـه وفيـل=ومليكهـا مــا فـادهـا بجتـهـاده
يفـداه قلـبٍ شربكـتـه المحابـيـل=عـزيـز قــوم وذل عــزه وداده
ويفداه كل اللي سمـع مـن أقاويـل=ماقل قـدره لا علـى العكـس زاده
يا موناليزا يا أروع عطـور شانيـل=يـا بـرج بيـزا بميلتـه ورتــداده
يا ضرمة الشيبـان للكيـف والهيـل=يا فرحة المسجـون لا جـاء سـداده
يا فلسفة من حرفوا كتـب الأنجيـل=يا طلسمة ساحـر بحسـب إعتقـاده
يا نشوة الوسكي علـى ضفـة النيـل=على شجـن فيـروز .. وإلا ميـاده
سيناريو .. حبكة مسلسل .. وتمثيـل=قصة حياتي وانـت عطنـي الأفـاده
يـا سـدرةٍ مانلـت منهـا مقايـيـل=لي قيضها واصبـح لغيـري بـراده
يفداك كل اللي حصـل مـن بهاذيـل=ويفـداك قلـبٍ مايعـرف السـعـاده
ثاني مشاركه للشاعر سطام يرحمه الله
علميني كيف اذاكر وابدع في نقـش الاجابـه=علميني كيـف اركـز واتناساكـي ثوانـي!!!!
كل ما شفت الجذور يصير في صـدري كأبـه=اتمنى لو اذوب بصمت وارحل عن زماني!!!!
اوجد الحـل المقـرب درس افكـاري تهابـه=والنتيجه واضحه والخوف من فاي إحتواني!!!!
أتسكـع والسـؤال اللـي محيرنـي جـوابـه=كيف أذاكر والوعد قرب وباقيلـه ثوانـي!!!!
والله اني من عرفتـك عايـش وكلـي غرابـه=عايش لحالي وأعاني من بغانـي مالقانـي!!!!
شي بصـدري كتمـة ساجنـه محـد درابـه=كل خوفي تترك اللي حبك وتختـار ثانـي!!!!
خايف ظروفي توقـف حبنـا وتعلـن غيابـه=وانت تدري ياحبيبي انـي بفرقـاك فانـي!!!!
خايف ظروفك تحدى ويعلن الحـب انسحابـه=واخسر اللي ضمني بالشوق قلبه واحتواني!!!!
ليـه تبعـد ياحبيبـي والغـلا مفتـوح بـابـه=اسكن عروش الخفوق (ولاتنـام الا بمانـي)!!
لك خفوقي ياحبيبـي مسكـن وكلـه رحابـه=والمشاعر من خفوقي لك يترجمها لسانـي!!!!
قلبي اللي خصك بحبه ومعلـن بـك اعجابـه=طالبك لاتتركه مادام في هجرك عصانـي!!!!
لاتشكك في الهوى وتزيد فـي قلبـي صوابـه=وانت تدري ياحبيبي مامعك في القلب ثاني!!!!
ملهمـة شاعـر غيابـك والله المغـرم يهابـه=صوتك الدافي سفينة ومسمع المغرم مواني!!!!
علمينـي كيـف اذاكـر واسعفينـي بالاجابـه=كيف اذاكر والوعد قرب وانا مازلت اعاني
ثالث مشاركه للشاعر سطام يرحمه الله
بين الفراغ العاطفى والعطـف والجـوء الطيـف=استانسى يافيـاض قلـبً كـل مايـروى ظمـا
من خاطر رموش الغنج والحسن والحب العفيـف=ونزاهتى فى حـب مـن نـزه حبيـبً ماقدامـا
البوح سر الفاتنه فـى فاتنـت شعـر الوليـف=اموالفـه مـن صغـر سنـه والهـام الملهمـا
يجبر مجاديف الغـرام لقاربـن وقـت الخريـف=يبحر مـع امواجـن تلاطـم فـى بعضـه كلمـا
غنت على غصن الشجر ورقاء من الحزن الكليف=اسبـاب بعـد وهجـر والا غيـر ذالـك ربمـا
يافاتنه شعرى حياوى مانـى بشعـرى زهيـف=ولايمكن اخدش فى جسم عذراء حيـاء واتندمـا
يافاتنن قلب الشقاوى والوعـد وقـت المصيـف=امـا اجتمعنـا صـدق والا الكـل منـا يحلمـا
أأربـــــــــع حــــروف
طال الفراق وطاري الماضي يروع=للحاظر اللي غـاب مصـدر أمانـه
ودم العروق اللي من القلـب مدفـوع=يحمل كيـان أسـم حرمنـي حنانـه
أسم بوسط بلازمـا الـدم مطبـوع=يعيش في دمـي ويجـري جريانـه
متوافيـن بالفصيـلـه وبالـنـوع=نفـس المكابـر والثقـل والرزانـه
رعوده أتنهـات وأمطـاره دمـوع=أرضه عروقي والسماء عظم شانـه
نباته آمـال وشفـاء وقلـة سنـوع=وفضاه صدرن ضاق فـي عنفوانـه
تنقاد لـه أجـزاي تابـع ومتبـوع=مرفوعـن بكـل الخلايـاء مكانـه
أربع حروف وعرشهن قلب وضلوع=لسيرتـي قـدوه ومرجـع ديـانـه
أول حروفه ألف مليـون مشـروع=والثاني حـراب الحليـف وطعانـه
والثالث مصارع لظى نار وجمـوع=والرابـع دمـوع الضيـاع لكيانـه
ياليت رابع .. طور .. باقي له سبوع=حتى افرح بوجهن ذبحـت أنسيانـه
كم لي وانا من فرحتي فيه مقطـوع=وشمع الفرح محروم مـن شمعدانـه
كم لي وانا عن همسته مجدب سموع=فـي لـذة حروفـن وزنهـا لسانـه
كم لي عن دروب المواصيل ممنـوع=ضحيـة ظـروف وغنيمـة خيانـه
ياغايب من واقع الوصـل منـزوع=متى يجـد راجيـك فرحـة زمانـه
ســــاقت مشاوير الشقااااا
ساقت مشاوير الشقا واردف الليل=وسريت ودروب السهر سرمديه
ازريت اسوق الهم واحط وأشيل=وتعــبـت أكابر والمواجع نــديه
والحيل مل من التعب مابقا حيل=والجفن ماله بالسهـــــر مقدريه
الهبذله والليل صارت غرابيل=ابطال وسنين العمر مسرحيه
والهم والحرمان والحزن والويل=ضيوف وجروح الوفاء شاذليه
والصمت والهوجاس بوح التعاليل=والخوف مسرى والليالي مطيه
يالله عسا درب السنع بالمقابيل=وألا الليالي اللي مضت جرهديه
حرن كفخ واستاسرته المحابيل=وعقب السماء الرحبه هوى للوطيه
حرن غدر فيه الزمن والمداخيل=مقرود وكفوف العطايا رديه
غلطت عمر منها جنيت البهاذيل=وذنوب غيري حطها الله عليـه
غلطه ودحدرها الزمن بالمحاصيل=ورضيت بالمسوم غصبن وجبريه
تناقــــلتها شـلة القــال والقـــيـل=وحطوا عليها لين صارت قضيه
وقامت تناهشني رخوم الرياجيل=اهــل الملامه والعـلوم الرديــه
اللي تجيك أخبارهم بالتفاصيل=ويحرفون الهرج عن سو..نــيـه
بالله قلي يا أسود الوجه ياليل=وضح النوايا كيف صارت خطيه
قل لي من اللي ضلل الحق تظليل =ومن علم الوافي يخون بخويه
ومن بروز الأوهام خدعه وتمثيل=ومن طلسم الواقع وخان الوصيه
ومن قال لي دربك سهود وتساهيل=ومن علم الضحكات تمشي عليه
ومن كفن دموع الوفاء بالمناديل=ومن هو جزاء الحسنه بمليون سيه
ياااااااااااااااهاجسي
ياهاجسي ناداك للعلم هاجوس=والهجس يكفي عن هواجيس حسي
ماني بمحبوس ولا انته بمحبوس=احرار بأرض الله نصبحي ونمسي
نبدع قوافينا بلا وترن وقوس=وبلا مغني بالحبر فوق طرسي
ياملهمه بغب البحر راحو غطوس=وعلى شواطيه ماكلن بيرسي
ومابين جزره ومده غيوم وشموس=وليلن عتيم وموج بالريح مكسي
واربع فصول وكل فصلن له عسوس=ولاكل عساس يبي يعس عسي
وصفع الليالي بين باين ومدسوس=بوقتن مضى منسي ولاهو بمنسي
وارهاق لنفوس والعض راحت نفوس=ونفسن هوتها نفس من دون نفسي
متوالفه متباغضه روس على وروس=ومترابط عرقن ودمن وجنسي
احوال وللارض غارس ومغروس=وانا غرست الغرس وادرى بغرسي
مااحتاج تدريس ولاشرح لدروس=ولاني بمجبور على شرح درسي
خيال فكر احيان واحيان ملموس=من المشاعر يوم تلطف وتقسي
خــــ أأأأرحل ــــــلاص
مات الغـرام بمقبـرة كـذب دنيـاك=مدفون بيـن اول لقـاك وغيابـك
مات الغرام ومـات حبـك وعـزاك=قلب ٍ على عرش الغرام احتفى بـك
قلب ٍ نثر عطر الوفـاء فـي زوايـاك=حتى طعنته وانجرح !! وانتهـى بـك
قلب ٍ رغم كذبة غرامك بدى هنـاك=يُضفي .. على مسرح سموّك ثيابـك
ودام الجفاف ابهّت مُغلـف هدايـاك=في رُبعك الخالـي وصحـراء سرابـك
خّـل الهدايـا للـريـاح وحنـايـاك=اسرج بها نار الفصـول وعذابـك
يذبل ربيـع احلامنـا بأيـدي اشتـاك=ويُنبت خريـف آمالنـا صيـف بابـك
بأقتل تحت شمسي طيوفك وذكـراك=وبأنحت على صخر القصيـد لجنابـك
أقسى مـن فراقـك قبولـي بشـرواك=و اصعب من قبولي وصالك هلا بك
يعني خلاص ارحل عسى الله يرعاك=ودام الفجـوج اوسـاع خيّـر ركابـك
و لـوّح علـى درب المـوداع بيمـنـاك=حتى يوادعـك السـراب و ترابـك
ارحل شطبت اسمك ودونّت فرقـاك=واسمي تكرّم واشطبه مـن كتابـك
 |
|
 |
|
اللهم ارحم (سطام) رحمه واسعه وتغمده برحمتك , اللهم أرحمه فوق الأرض وتحت الأرض ويوم العرض عليك ,
اللهم قه عذابك يوم تبعث عبادك , اللهم أنزل نورا من نورك عليه ,
اللهم نور له قبره ووسع مدخله وأنس وحشته , اللهم وأرحم غربته وشيبته ,
اللهم أجعل قبره روضه من رياض الجنه لاحفره من حفر النار, اللهم اغفر له وارحمه , واعف عنه وأكرم نزله . |
|
 |
|
 |