::: مـنتدى قبيلـة الـدواسـر الـرسمي ::: - عرض مشاركة واحدة - راااااااااااااااااااااااااااااااااااااااح !
عرض مشاركة واحدة
قديم 13-10-2008, 10:00 AM   #1
 
إحصائية العضو







محمد حمدان المالكي غير متصل

محمد حمدان المالكي is on a distinguished road


افتراضي راااااااااااااااااااااااااااااااااااااااح !

رااااااااااااااااح !



يا ليت بادري بعد روحتك بتعود=وإلا يكن روحتك من دون رجعه
خليت قلبي بعد فرقاك ملهود=فرقاك مثل النار والقلب شمعه
من بعد ما كنت أمس بلقاك محسود=كلٍ يعاقبني بشوفه وسمعه
صرت التماسة حزن من قلب جلمود=قصه تسلي - لا قضى الهرج - ربعه
صرت اتفزز من شذا زاكي العود=عطرك يذكرني بسيده ونبعه
واسرح مع مبسمك وعيونك السود=والجادل اللي كان يتعبك رفعه
واصير من بين المخاليق مفقود=سارح معك ياموت قلبي ونفعه
موجود في الواقع ولا ني بموجود=قلبي .. سبب فرقاك صايبه فجعه
كل يوم اسال الشمس واتعقّب النود=وتصدني واسقي ثراها بدمعه
عل الدموع الحمر تنبت بعنقود=واوراق معوادك تمايل بفرعه
طال انتظاري والأمل فيك معقود=والهم ينهش - في حشا الصبر - سبعه
راح العمر وأنا اترجاك بتعود=مير اعتقد روحتك من غير رجعه
محمد بن حمدان المالكي
10/10/1429هـ

 

 

 

 

    

رد مع اقتباس