[معلومات العضو شافي القويسي المخاريم]

هذه القصيدة قالها الشاعر المعروف:عويّد بن عيد الشروخ المخاريم حفظه الله
مفاخراً بقبيلته آل زايد الدواسر:

يا آل زايد يا هل الفعل والراي الرفيع=داركم لا تطمع القوم في حدانها
في الجهل جدّانكم لا توم ولا تبيع=رسمت حدانها وسعت ميدانها
لابتي تمت عملها وسدت كل ريع=من الاوايل حددت ملكها بايمانها
طامعٍ في الدار خبل يبيها له قريع=ما درا انا طامعينٍ ورا خدانها
دونها بمشوكٍ ضربنا له ما يضيع=محتسينه للبلى لا رقص شيطانها
ارسخي يا دارنا كل عوصٍ يستطيع=ديرتي ماله ثمن والعمار اثمانها
لازهم زهامنا وانتدبنا في منيع=جاو عطبين الضرايب تشيل اكفانها
وان زهمنا زايدٍ والتحقنا بالجميع=يشبع السرحان ومعكفة جنحانها
يا سلامي يا رجالٍ تعدل من يضيع=دايمٍٍ تكسر ميلها على عدوانها
واللَّه لولا الحاكم اللي يشيب بالرضيع=يا عدانا ما تعدا ورا ريعانها
حاكمٍ مشى الشريعة وكلٍ له مطيع=عادلٍ بين القبايل وكف افتانها

((من قصص وأشعار وسّامة عصا الجار)) المؤلف الشاعر/محمد بن باني المخاريم