السلام عليكم ورجمة الله وبركاته
يالدواسر منتو بحاجة مديحي= طيبكم يشهد لكم يا صلب جدي
اشهد انه ما يصح الى الصحيحي= فعلكم لاعدت الافعال عدي
استعدي يا مشاعر واستريحي= واستريحي لدواسر واستعدي
واطلعي بي في الهواء الطلق الفسيحي= واستمدي بالنواميس استمدي
واكتبي نبذه عن العلم الصريحي= عن بني عمي عمى من كان ضدي
يا طحاطيح ٍ ماينطحها نطيحي = في الزمان الاولي والمستجدي
للمعادي علقم وسم ٍ ذحيحي= حد سيف ورمح وخيول ٍ تكدي
ذا صويب وذا كسير وذا طريحي= يشهد التاريخ وسيوف ٍ تحدي
ماخلق منكم جبان ولا شحيحي= ولا خبر منكم قصير البيت شدي
كون يذكركم ليا زاح النزيحي= بالوفا والطيب والضلع المعدي
فعلكم في ذمتي انه ما يبيحي= لو تبيح القافيه ويبيح سدي
كم دخل في وجيهكم شيخ ٍ يصيحي= يبنتخي فيكم وقلتو له يهدي
انس وارقد في حمانا واستريحي= يا نعيش بعز ولا نستبدي
ما نصك الباب لا جاء منه ريحي= ندبس الموت الاحمر علم يردي
والكلام الي على فعل مليحي= جمل الله منه الساني ويدي