بسم الله الرحمن الرحيم
السلام عليكم ورحمة الله وبركاته
يا قلب سامحني على كل زلة
أخطيت في حقك كثير وتماديت
علمتك أدروب الهوى والمذلة
عليك يا قلبي قسيت وتجنيت
ياما نصحت وقلت من صد خله
لا شك ما طاوعت يومك تخليت
واليوم دمع الحزن عيني تهله
يا ليتني طاوعت شورك وصديت
يا قلب أنا وياك نار ٍ ودله
من حزنها تشرب وأنا قد تقهويت
أصبر على بلواك والجرح شله
أدري ترى ماجت على ما تمنيت
اعاهدك لهجر عنا الحب كله
ونسى سنين ٍ ماضيه يوم حبيت
وان جا مع الأيام طاريه قله
أني بعيد ٍ عنه من يوم قفيت
هاذي بدايتنا وهذا محله
ذكرى وأنا منها تعبت وتعنيت
يا قلب أصبر والصبر لا تمله
الصبر مفتاح الفرج لو تأنيت
بس أنت سامحني على كل زلة
ولا أنا في حقك اخطيت وأخطيت وأخطيت