[معلومات العضو مسعود المقيبلي]

المشاركة الأصلية كتبت بواسطة الشكري

لجا احد امراء شمل احدى القبايل ( اعتذر عن ذكر اسمه ) الى الدواسر

واضافوه واكرموه بعد ما اجاروه وعندما اراد ان يذهب الى قبيلته طلب منهم ان

يوصولوه بالقرب من دياره ولما وصل الى قبيلته نكر الجميل وجحد طيبهم وذم الخييلات

وذم الشيخ ابن قويد وردو عليه الدواسر بالقصيد عقب المعروف والجميل اللي اجحده

وهذي احد القصايد


وهي لـ محمد بن منصور الدوسري ويقول

قال الصبي العمري بيوت ٍ زينه = قوارع ٍ من خاطري مختارها
نحستها من ضامري واخترتها = نقد الدراهم في يدا تجارها
تطري الخييلي فالخييلي شيخنا = وافي الشبور مكرم ٍ خطارها
كم هجمة ٍ لاد الخييلي جابها= جتنا ولا عندك كون اثارها
منها ..... فاطرك مسميه = جتنا تقنزع نايف ٍ بعشارها
نقرا بها الضيفان في ايام القسا = مناب مثلك رابطة ٍ خطارها
اغداك فينا طيبنا يا ( ...1...) = يوم إنك تتبعنا كما طرارها
يومنك تتبعنا قصيدا قاصر = والثعل ما ياكل متاع حرارها
الشاعر اللي ذم حربة شيخنا = جعله يجربها وهي بعبارها
يذوق ما ذاق العتيبي عندنا= هلن عليه المحصنات عبارها
اقول لاشيخ ٍ الا مترك = ترثت طهيف من كبار اخيارها
شيخ ٍ ولد شيخ ومرث شيخه = ما هو من اللي شيخته معتارها
ما خليت شيب المناكب عفه = في القفر ترعي خلفها واعشارها
حييت يامن سفرته مركيه = لاعلقت بعض السفر بغبارها
إن كان خيال ٍ فهو ثويني = مع ابن دغمان ٍ قعد في ثارها
درباه زبن الجذايا ثويني = كم سابق ٍ بالسيف جذ فقارها
جمع اعصي ٍ وافتكر في كسرها = وفرق اعصي ٍ من يمنى كسارها

1 ــ العذر والسموحه عن ذكر الاسم

اخوي الشكري الله لايهينك على الروايه الطيبه

لاكن ليتك تتحرى الدقه في مثل هذه المواضيع

لأن هذا تاريخ ويعتبر مع الرواه مثل الأمانه

اوردت هذه القصيده التي تتداخل تداخل واضح ومتعمد

مع قصيدة الهذيه المشهوره التي منها

قـم يانديبـي وارتحـل عملـيـة=نقـش العقيلـي ينبهـه فقارهـا
تلفي لنا ريـف الهشالـى متـرك=ميرنـا اللـي عـارف وقـارهـا
شيخ على شيـخ مـورث شيخـة=ماهو من اللي شيختـه يعتارهـا
حييـت يامـن سفرتـه مركيـة=لا علقت بعض السفـر بغبارهـا
اجمع عصي وافتكر فـي كسرهـا=وفرق عصي من منـى كسارهـا
يازينكـم يمشـي سلفكـم واحـد=حتى العدو منكم يجيـه ذعارهـا
لا صاح في عال الجذيبـة صايـح=لازم تجيـه عيادهـا ومهـارهـا
ياهيتيـن فـي زمــان واحــد=كـل درا بعلومـهـا واخبـارهـا
يذكرني الغـوي عزافـي جـدوده=خمسميـة يقولـهـا حـزارهـا
يام هـل الجـرات مـن جدانهـم=نعم الرجال اللي تشيـع اذكارهـا
يام مداجـرات الملـوك بروسهـم=لاجات ضو الحرب تشعـق نارهـا
ياقـوم مانبـا بـكـم بمشـبـب=والله انكم امحق من تعلوى اكوارها
ياقوم طحتوا فـي مـورث سالـم=لاد المنيعي مرخصيـن اعمارهـا
بلا اربعيـن مـا سواهـم واحـد=والضـو شبـت بينهـم بقطارهـا
قامت اسباع العـرق تلعـب لاوي=والضبعه تكنـز ليلهـا وانهارهـا
ياذيـب لاتاكـل لحـوم بصيـص=عيـد الركـاب مكـرم خطارهـا
خله وخل السليماني اهل الصخـى=وباقي اللحـوم التاليـه ودارهـا
زلت علوم اهل الجنـوب وزلفـت=وجاتك علوم اهل الشمال اخبارها
جانا سلامه مـن جنـوب صايـل=يبغي صخاف الشول في مصدارها
يبغـي مقاضـاة ذيـك بمثلـهـا=هيـت تكـور ذاك مـن عورهـا
لقو هل البـل حاضريـن عندهـا=قاموا بحق زيـارة مـن زارهـا
ياما رعى في سدها مـن فاطـر=يعجبك غب الكون صك صرارهـا
يكون خـوف مـن سيـوف درب=وموصـلات مـن منـى دفارهـا
ياما ومن في سدها مـن خايـف=جر المويلي يـوم شـاف آثارهـا
ماخليـت شيـب المناكـب عفـة=في القفر ترعى دقهـا وعشارهـا
خمسةوسبعين غـدوا فـي شقـه=ما عـاد يحـرز دفنهـا قبارهـا
ليت ((العتيبي)) حاضـر يشوفهـا=حتى يشوف الخد كيـف حمارهـا
وان كان به خيـال فهـو ثوينـي=مع ابن دغمان فقد فـي غارهـا
دربـاه زبـن الجاثيـات ثوينـي=كم سايقا بالسيـف جـذ فقارهـا

اضن ما قصدته واضح

فياليت الجميع يتحرون الدقه في الروايه

وشكراً