[معلومات العضو فواز الحجيلان]

	يا زين هرجـك لاتقفـل مجالـه خل السوالـف كلهـا بالتساهيـل عطني من اجداد المعاني جزالـه ترى المفارق صعب بالحيل بالحيل اقفا وحبل الوصل قطـع احبالـه ومن بعد ماقفا دمع عيني هماليل ادعج غنج مزيون كامـل جمالـه في نظرته يخلف ارجالن مشاكيل والحال عقب الزين ماهي بحالـه مغير اساهر كل ليلـن ورا ليـل قلبي ترى في غيبتـك ماحلالـه غير الطواري كلها هـدت الحيـل ياحن قلبي حن جمسـن خذالـه من بعد ماهو صافطن وسط تظليل ساقه غشيم وصعده فـي تلالـه وكن المراوح حسها بالتصاهيـل ياسعود جيتك وانت راع الجمالـه تراك خابر وسط قلبـي مداهيـل هو الخوي ياسعود مامـن بدالـه هو الخوي بالماضيـه والمقابيـل ياسعود راسي ما يشيلـه عقالـه قربلي الدلـه وهـات الفناجيـل كنت احسب اني راسين في خياله يا لله عساها للتعـب والتعاليـل مغيـر افكـر مرتكـي للبيـالـه اسري معا الهوجاس في مية النيل ومن صد قلبه ينكر الي مضالـه خله يميل وجعـل دنيـاه للميـل فواز الحجيلان