أعزائي أهدىء لكم هذه القصيده للشاعر خالد الذيابي الروقي العتيبي والحقيقه أعجبتني فكرتها وأسلوبها وحبيت تشاركوني بمتعتها
مـا كـل مـا ينقـال يؤخـذ بإهتمـام=ولا كـل مـن قـاد المسـاري دلـهـا
صـح اللحـا تفـرض عليـك الاحتـرام=وتستاهلـه لكـن .. مـا هـى كلـهـا
رجلٍ سنـام ورجـل مـن دون السنـام=ومن يشتقـي بالمرجلـة .. مـا زلهـا
يا هاجسي مدام شفت ..( الدرب شام )= *( فاللـى عقـد روس الحبـال يحلهـا )
ينبيـك بالرجـال .. فعلـه .. والكـلام=إليـا ســرت دق العـلـوم وجلـهـا
قبـل التحيـة جيـت .. رداد الـسـلام=شاعر .. وطرقـي .. والبيـوت يهلهـا
إليـا بدعـت البيـت ألّبسـه الـوسـام=حتـى القلـوب العاشقـة .. يحتلـهـا
صوتٍ صدح وأصحي المهاجيـع النيـام=عـلـيـه ردات الـبــرا يشتـلـهـا
إن طبـل التبـاع .. لعيـون الـغـرام=أهـل الغـرام أضـحـك ولا أطبلـهـا
وإليا إلتـوي بالقـول ملعـون الرسـام=الحـجـة الـلـى بـايـرة يبتـلـهـا
هو ليه بس .. الطعن من تحت الحـزام=الواجـب أهالـي السـيـوف تسلـهـا
إقدح لضرب الروس لـو حمـي المقـام=على النقا .. خوض الحـروب ..وفلهـا
مـا يّـدرق بالـراس يـا كـود النعـام=وبنت الهـوا .. لاستلعنـت مـع خلهـا
ولا يختفـي خلـف الستـارة واللـثـام=ألا قـلـوبٍ مــا تهـيـد .. بغلـهـا
والشعر لولا .. الروس والناس الحشـام=فـى ذمتـى مـن عينـتـك .. أمّلـهـا
لانـك تحوقـة .. لا حـلال ولا حـرام=يعنى كذا .. صافـي الكبـود .. تعلهـا
مـا تؤخـذ الدنيـا جـزافـا يـاغـلام=شـوف الفـروض الواجبـات وصلهـا
وإن غرتـك نفسـك وجـاوزت النظـام=بئـس الفتـى لاشـاف نفسـة ذلـهـا
سيف الحقيقـة لاسطـى قـص العظـام=والمقبـلات إلـيـا سـطـت نقبلـهـا
ودق اللـحـام يصـخـرة دق اللـحـام=والعـوج قلـي ليـه .. يـوم أمهلهـا
علـى الغلـط والنفـس مـردود المـلام=أبّـلـغ شياطـيـن العـقـول وقلـهـا
قـل خالـد الروقـي ليـا زاد الـزحـام=صكـات بقعـا لـو قـسـت كفوٍلـهـا
فى عيونه الدنيـا فـلا تسـوى حطـام=والمصلحه ما نيب .. أفّـرش .. زلهـا
لو مـال فرعـون .. أمتلكتـه بالتمـام=ول النفـوس اللـى خـدم لـك ولـهـا
وألا معـى .. مأنتـه جديـراٍ بإحتـرام=( واللى عقـد روس الحبـال يحلهـا )
وسلامتكم جميعاً
محبكم دغش بطي الدوسري