[معلومات العضو راشد المسعري]

المشاركة الأصلية كتبت بواسطة الرجباني 2

إلى الأمير الكريم / مران بن متعب بن قويد .... مع التحيه والتقدير

((الأماره ماتجوز إلا لأهلها ))

الزعامه يوم تطرون الزعامه= ((فـــالـــزعامه )) ماتجوز إلا لأهلها
(قالها النشاد من طيب كلامه)=عـــارف ومـجرب مـن هــو فــحــلها
مثل (أبوزابن ) بنى فيها إخيامه =شيخته من ساس جدانه نزلها
الأمير اللي ترا العليا مرامه =والمكارم ماعشق شيء بدلها
ماتحوش إيديه ينفد في الكرامه =في القساء واللين مشهود عملها
فزعته يلقى بها الضايق سلامه =تسعد نفوس الحيارا من زعلها
كلها من قام يشفي في مقامه=والصعاب يحلها لامن وصلها
لانصاه اللي غشا جوه غمامه =ضايمه ثقل الحمول اللي نقلها
شال حمله وانفرج عنه العسامه =فالحمول الكايده يعرف جملها
فلا يغرك من حكا وأكثر إزلامه =(الأماره للأمير اللي حملها)
والأماره ماتعلي كل هامه =يعجز التقليد مايصعد جبلها
كود أمير معدنه جود وشهامه =يوم جت له ((بالجداره)) ماخذلها
صانها وادى لها جل إهتمامه =واظهر حقوق الأماره واحتملها
وأرخص الغالي لها لو كان ضامه =واجب من يتبعه ناس كفلها
فدوة له من تبع درب الملامه=يوم دور اللأماره ما فشلها
يوم أقول المدح قولي في تمامه =والمكارم عن لمير الشهم سلها
كل فعل نادر (مران) رامه =قومته للجود ماكل فعلها
جعله يسعد في حياته بالسلامه =مسند للي عقر نفسه زمله

ا
سلامتكم

وقال هذي القصيده الشاعر عبدالله حمير سابر الدوسري في الرياض عام 7/1/1401هــ منقوله من كتاب واحت الشعر الشعبي

الرجباني لاهنت يالقرم على نقل هذه القصيدة الجزلة وصح لسان الشاعر الجزل عبدالله بن حمير بن سابر الرجباني على هذه القصيدة. ويستاهل الأمير مران بن متعب بن قويد ماقيل فيه فابو زابن أهل للمدح وماقيل فيه قليل في حقه ، أطال الله في عمره وعسى الله يبقيه ذخر للدواسر. لاهنت مرة أخرى وتقبل ودي وتقديري ،،،