لاد الخييلي لابتي مـا بهـم عيـب =إلا الظفـر وذبــح حـيـلٍ سمـانـي
ترتيبهم الأول علـى كـل ترتيـب =وخـذت بحـد السيـف ماهـي تمانـي
مركاضهم يشبع به الضبع والذيـب =كسـارة الجـمـع الـزريـن بثـوانـي
حمايـة التالـي إلـى كلـح النيـب =هـاذي عـوايـد كاملـيـن المعـانـي
ربعي مرويت السيـوف المحاديـب =عنـد القـاء يـروون حــد السنـانـي
ربعي هل الطالات والمدح والطيـب =مهـوب تـوه مـن قـديـم الزمـانـي
ربعي هل الشرفاء رجال المواجيب =عـوق الخصيـم وطيبـهـم للعـوانـي
ربعي سلالة سالـم الزيـر وكليـب =وحفـاد أبـن كلثـوم عالـى المكـانـي
ربعي كعام الشره تقـدم ولاتهيـب =يردون حـوض المـوت ورد الضمانـي
مدحي لربعي لا حرام ٍ ولاعيــب =هـم عزوتـي لمنـه مـس البطـانـي
والمدح أبخص به عطيب المضاريب =وكـل أبلـج ٍ فعلـه مـن الربـع بانـي
ما علينا من هرج ما شحنا =ما درينـا بـه ولا منـه سائـل
انشد التاريخ يخبرك عنـا =حنا بني تغلب من نسـل وايـل
نفتخر بكليب والزير منـا =وعمر بن كلثوم ماضي الفعايـل
من قديم الوقت لليوم حنـا =بالقا نروي السيـوف الصقايـل
معركة ذي قار زيزومها إنا =خلـف بيرقنـا حشدنـا القبايـل
الزعامـة دوم فينـا ومنـا =عقبـوا هـرج بلـيـا دلايــل
الدليل حكامنـا هـم منـا =من بني تغلب عمى كـل عايـل
عد واغلط مكثر اللي قتلنـا =لعتلينـا فـوق قـب الاصايـل
مثل بن هندٍ زبون المجنـا =من بني تغلـب بكتـه الحلايـل
ومن تبـع اليمانـي مكنـا =اقتلـه كليـب واف الخصـايـل
في بلاد الشام ونجد سكنـا =وحتميناهـا بـحـد السـلايـل
من قبل ذا ديار بكراً وطنا =ارثوهـا انـا الجـدود الاوائـل
يانديبي وارتحل فوق ما يطوي الديـار =فوقـه اعيـال ٍ جميـع الــدروب تدلـهـا
نحروه أرجال تغلب بني عـمِِ أخيـار =لا لفيـتـوا كاسبـيـن النفـايـل قـلـهـا
لا متى ندمح لزلاتهـم ونقـول جـار =جاركـم حتـى الجبـال الـرواسي شلـهـا
حرف التاريخ وحط له تاريخ مستعار =طامـع ٍ بالتغلبـيـه عـســاه افـدلــهـا
دونها من أرجال تغلب صواريم الحرار =خلهـا ماهيـب لـك يالحـرامـي خلـهـا
دونها لاد الخييلي علـى قـب المهـار =لنتخـوا فـي تغلـب جتـك وايـل كلـهـا
من هل العوجاء إلى أخوان مريم بإقتدار =والخليفـه قـال بالسيـف عنـدي حلـهـا
يا قليل المعرفة ضعت في وضح النهار =كيـف طمعـت بشجـرةٍ تستظـل بضلهـا
بسم الله الرحمـن عـلام مـا كـان =عـلام مـا يخفـي ومـا كـان خـافـي
سر يا قلم واكتب سلامـي بعرفـان =تهـدى لمـن يعـرف بجـزل القـوافـي
زعيم أهل الشعر وللشعـر سلطـان =وافـي فـي طبعـه وبالفـعـل وافــي
أبو فهـد شيـال صعبـات الاوزان =لـو زاد عليـه الحمـل مـا قـال كافـي
بشكي عليك الحال يـاذرب الايمـان =الوقـت ذا وقـت الجـفـاء والتجـافـي
وين الرجال اللي لهم هيبـه وشـان =اللـي كلامهـم مثـل البلـسـم الشـافـي
قولوا لهم بالجمعـا عـزه ورفعـان =الجمـعـا أول عـزكـم والتـصـافـي
أنتـم سلالـة تغلبـاً نسـل عدنـان =لا ذكـرت تغلـب منهـا الـكـل خـافـي
ذباحـة الهرمـز وهلمـد وكـازان =فـي معركـة ذي قـار بحـد الرهـافـي
تغلـب اذبحـت لبيب ٍ علـى شـان =بلطمـة مـره ذرت علـيـه السـوافـي
تغلب اذبحت تبـع اليمانـي حسـان =وزالـت ملكـه لابــة ٍ مــا تخـافـي
تغلب ذباحة أبا هنـد ابـن النعمـان =تغلـب إلى مـن قالـت القـول تافـي
تغلب احكمت الشام وتاريخهـم بـان =يشهـد لنـا التاريـخ وفعـلـن يشـافـي
تغلب أرجال الحرب وبالحرب شجعان =حريـب بنـي تغلـب يجيـه الخفـافـي