[معلومات العضو غلا نجد]

طيب الله اوقاتكم بالخير والسعاده


طرح رائع لشاعر قمة في الدين والادب والاخلاق


ادام الله عليه هذا التألق وثبته


شاعري هو الشاعر بـــرجـــس الـــعـــواد (الـــــفــــارس)


اتمنى منقولي يصل لمستوى ذائقتكم الرفيع

الله مـن ضيقـةٍ بالصـدر والبالـي=كنّي بجمر الغضـا والنـار وقّـاده
شفت الحيا ينخدش من فعل جهّالـي=الجاهل اللي نقـص دينـه ولا زاده
رَجلاً بلا دين مثـل الميّـت البالـي=ما فيه روحٍ ولا يدري عـن رقـاده
يلبس جديد الثياب ألـوان وأشكالـي=ويمشي كما يمشي القائد مع افـراده
إن شفت لبسه وشكله قلـت رجّالـي=وإن شفت فعله تقول الشـاه منقـاده
تقوده اللـي تكـدّ الـراس وتلالـي=والشيخ يضحك يقول الناس معتـاده
العاده اللي تنـزّل راسـك العالـي=ياشينها في عروف الناس من عـاده
عزّ الفتى صون عرضه باثمن المالي=لا خير في المال بعد العرض ياساده
وعزّ الفتاه الشّرف لبـسٍ ومنزالـي=تسكن بروح الشرف وتثبّـت أوتـاده
ياللي تبا الفرق بين الرخص والغالي=شف ملبس البنت تعرف (س) وجياده
اليا كمـل لبسهـا فالطيـب متوالـي=طيب الفرع للاصل معروف مرداده
وإن كان ملبوسهـا فتحـه وبنطالـي=والا قصيرٍ تشوف السـاق وازنـاده
غيّر مذاق الشراب المـر بالحالـي=لاتشرب المـر لـو يعجبـك بـرّاده
من يقبل الضيم ما له ماضي افعالـي=ومن يشرب الما هماج اضماه ما فاده
قلته وانا اعرف خروجي قبل مدخالي=واعرف مصير الجيوش اللي بلا قاده
وصلاة ربّي عدد مـا خيّـل خيالـي=على الّذي حارب الشيطـان وعنـاده