مشاركة: سعدون العواجي وأبنائه عقاب وحجاب ( قصه بقصائدها )
--------------------------------------------------------------------------------
تااابع
غزى هذلول الشويهري وهو عقيد حايف وهو من السويد من سنجاره من زوبع من شمر ..وشنف بعض الرجال من العطش وتشنيف يعني تصلب الاعصاب من شده العطش ودخلو في غيبوبه ، الوكاد وياردون موقع يقال له العويج وهم محزمين على الجيش وعندما طلع على العويج راعى بعيونه لاوالله محمد وفهيد العواجيه معطنين على الماء وهو يجر رسن الذلول ، وقال حسين الذنيب ويش عندك يا هذلول (اخو سمرى) قال الماء عليه العواجيه وانا هلي تشوف اكثر ربعي مشنفين محزمين من العطش وهم راوين ومرتوين و يطبخون غداهم يقصد العواجيه وشمر هلي تشوف مابهم جهد هوش وهم قوم يدورونا وحنا ندورهم ، مار يمكنهم ما راعو لنا ونبي نقلب مع اثرنا ندور لنا مورداً ثاني غير هذا ، قال حسين الذنيب (اخو هدلا) ، وين هذلول وين اخو سمرى قال هذلول دله زمانك، اخس يهذلول لاتذبح شمر عنزه يخلون لنا تالي يذبحون منا 15- 10 -يخلون لنا تالي تصوب 30 مار الظما (العطش) ما يترك لنا باقي وين هذلول واين اخو سمرى ، وهو يدعثه قال حسين عليهم (على عنزة ) وهي تثور النار بينهم وهي تنقطع من هذلول ومن حسين الذنيب يقول وهي وحده بكبد فهيد ووحده بكبد عواد وتصير مذبحه واللي مشى من عنزة مشى واللي انذبح من هم انذبح واللي انذبح من شمر انذبح ، ويشربون شمر وياكلون غداهم غدا العواجيه وقال حسين الذنيب :
فهيد وقع بالجر يا فقدينه =ويا حيف ركبن تروح خفافي
قال عقاب العواجي انا مجيراً جيره ما يلزي لبن نياقي على كبدي قبل ما اذبح هذلول وترى المنع ممنوع على هذلول واسمعوا يا عنزه قالو ما يخالف ، الوكاد وقالوا شمر ياهذلول قال يا خير قالو اترك عنزه هلي تشوف المنع مرفوع عنك ويجدعون عليك البشاير قال هذلول اما عنزة ماني تاركهم اما بني ادم فهو لايحيا ولايموت الاعمار فهي بيد الله ماهيب بيد عقاب العواجي وبعد فتره غزى هذلول مره ثانيه على عنزة ،و سبحان الله يصير له مثل ماصار له في المره الاولى ويشنفوا الرجال مع هذلول ويارد احد المياه وهم عطشى ويمنعه ابن نوبان من عنزة وقال بوجهي وانا ابن نوبان وقال هذلول انا هذلول الشويهري متحلفنبي عقاب العواجي قال انا اعرفك انك هذلول ولكنك بوجهي وانا ابن نوبان ما على من العواجي ، قال هذلول اخاف ان العواجي ماحدن يرده ، وبلغ الخبر عقاب العواجي قال اما شمر فيعطيهم رواكبهم ويطقهم . اما هذلول فيرسله لي ابن نوبان ويوم درى ابن نوبان ان الطلابه صحيحه من عقاب قال والله ما اقدر ما دام السالفه به عقاب العواجي انتهت خلاص ويرسله الى عقاب وعندما حضر هذلول عند عقاب قال عقاب يحيالله هذلول لواهني عيني قال هذلول ويش هل الغنيمه الي تهني عينك به قال عقاب والله انه اكبر غنيمه واكبر كسب يا هذلول الشويهري يوم الله جابك لي وانا حي اراعى بعيوني قال هذلول ابي اشري روحي منك قال يالله ، قال خمسين بسلاحهن قال لا ما دفعت شين قال طيب ميه بسلاحهن قاله عقاب اسمع عاد ابي اقصره لك والله لو تعطيني حلال شمر من اليمن الى سنجار فلا يساوي صيحه عنزيه تاخذ حلايبه ابوك انا حليب نياقي مالزى على كبدي من العام وتبيني امسك واطلقك قال هلون قال هلون..
قال هذلول ابيك تسمحلي اصلي ركعتين قال عقاب ما يخالف صل ركعتين وبعدها قال ابيك تسمحلي وقال ويش بعد النوب قال ابي اصوتلي صوتين وقال خلوه يفتح فويهه وراه واختص هايس القعيط اخوى سعدى وقال اليوم هايس واين اخو سعدى هايس خيار صبحي زوبع ويقوم ينتدب شمر وفي الاخير ختمهم بالسناعيس وعقبها يذبحه عقاب وكما يقول المثل (ابا الثواري الصوت التالي) بلغ الخبر هايس وهو يغزي يبي الثار من عقاب العواجي هذهي قصه ذبحه هذلول..
معركة زبار وريك
المهم عقب هالسالفة ذبحة هذلول الشويهري وعقب ما اجلوا التومان من بيضاء نثيل وغيرها من الانتصارات اللي سووها العواجية مشايخ ولد سليمان على شمر ، اطلبواا شمر من هايس القعيط وشمر اللي معه بالعراق بالجزيرة الفزعة ، ويم جاء هايس يبي يغزي على ولد سليمان والعواجية من عنزة لا والله هاك الشمري رح يم العواجيه وقلهم ترى شمر يبون يغزونكم وهالشمري خواله من ولد سليمان من عنزة وعقبها سمو ربعه النذرة لانه انذر خواله ، المهم وصباح اليوم الثاني جاء هايس القعيط واللي معه من شمر وعنزة مستعدين لهم وتصير المعركة وتنهزم شمر واللي معها ويأسرون 70 من زماميل الخيل ، ومن عادة عقاب حجاب أنهم يردون لا أٌقفى العدو ويم راح يطرد وراهم عقاب وهو لحاله وكل مابغوا يقربون حوله لاوالله هو يصيح بهم هاك الصيحة اللي ترتعد منها الجبال وخيولهم تجفل من صيحته وكل مابغوا يلحقونه يصيح بهم الوكاد ماقدروا يجون يمه ويغدرونه ويرمون افرسه بالسهام ويذبحونها ويرمونه عقبها بالسهام وعقبها يم جاء حجاب اخوه لاوالله ومثله يرمون افرسه ويرمونه بالسهام وماتوا اثنينهم بمكان يقاله (زبار وريك) وهالوقت فرسان عنزة يجمعون غنايم شمر ومايدرون وش اللي صار ، لان فرسان شمر يعرفون انهم ماهم بند لقبيلة عنزة فاذبحوا عقاب وحجاب لانهم لحالهم وغدر وخيانه ..
وهذه رواية ثانية للذبحة بشكل مفصل أكثر :
معركة زبار وريك :
ويم جاء الخبر هايس القعيط صمم على اخذ اثار من عقاب وهو يغزي هايس ويطب على خاله طلال ابن رمال وقال طلال لهايس ويش وقع فرسك قال يا خالي والله ماهي بحمايدك بس ابيك تعطيني فرسك القدرانيه ( فلحاء ) وهي من مربط ابن قدران والقدرانيات موجودات عند الجارد من الرمال وعند ابن وتيد( والقدرانيه اصله حمدانيه) وقال طلال ابن رمال ماهي غاليه عليك يا هايس بس فلحاء لقحه واخاف على راسك وقال هايس لا مبروكه اخذ هايس القدرانيه من خاله وروّح على راعي موقق ابن بشير اخو سلمى وذبح لهم وعشاهم ويم ارجعو الرعيان من جماعه ابن بشير قالوا ويش الخيل الي عند ابن بشير قالو هذا هايس القعيط يبي العواجيه ويقال انا هناك واحد من شمر خواله عنزة راح وبلغ عنزة وانذرهم ان هايس جاكم يبي ياخذ بثار هذلول وسمو ذريته بالنذره حتى هذا اليوم، وصبح هايس ابل عنزه ولقى ان عنزة مستعدين وهي تصير المعركة ويطول الكر والفر والعواجيه ومن معهم من عنزة صامدين وتدور الدائرة وانهزموا شمر واتركوا حلال كثير ماله أول ولا تالي وقم ياعقاب واطرد ورا شمر والحقه ياحجاب واطرد ورا هايس ياما وصلوا زبار وريك قال هايس نبي ننسحب وقامت عنزه تطرد شمر وأسروا 70 رجال من الزماميل ويم وصل هايس حد العرق قال هايس أذمهم بالجيره فلا بهن الي تعدى العدامه ومن يتعده هو والد راعيه وان خلتن الدنيا اني لا أدفق فنجاله بين شمر وكان مفيز العفر هو أقرب واحد الى العدامه وهو يكنه وهي تقفز فرسه ويم قيست لقوا انها بعة ابواع مسافه قفزه فرس مفيز وفي هاك اليوم تبين العبدات الثلاثه المعروفين وهم 1- مفيز العفر 2- مشاري الشقاق وهذولي الاثنين من المفضل من عبده 3-دوشق بن سنيدان وهو من الجري من عبده
ويقولون ان هايس كل ما حاول انه يضرب او يدلي صاح عقاب عليه وصيحة عقاب معروفة تجفل الخيل معها ،الوكاد ضامه وحلبه واذا جلس تلحق فرس عقاب واذ وقف هايس يبي يدلي حلبه ثم نخا ربعه وكانوا العبدات الثلاثه هم اقرب لهايس من غيرهم وخصوصاً مفيز العفر فنخاه هايس فصوب فرس عقاب وهو تطيح به وينزلون عليه شمر ويصوب مفيز العفر عقاب وويلحق مشاري الشقاق ويصوب فرس حجاب ويحدونه شمر الحدة القشرا وينزلون عليه واذبحو حجاب في موقع يقال له الابرق وسمي بابرق الشيوخ والمعركة اسمها معركة وريك وبالسبه هالذبحه يم وصل الخبر لضبيب العواجي لا والله ويذبح زماميل شمر وهم اكثر من 70 رجال و كانو اسرى عند ضبيب ويوم درى ان عقاب قد قتل ذبح الزما ميل وبعد تلك المعركه اصبح يضرب المثل الي يقول حض العبدات من شمر بسبب فعل مشاري ودوشق ومفيز العفر هذهي قصه ذبحه عقاب وحجاب ..
وسعدون كان متحرين عياله والا يجونه ربعه وهو ينشدهم ما عاينتم عقاب وحجاب قالوا إنه يطرد ورا هايس وربعه ..وهو مادرى ان عقاب وحجاب وزيد المرتعد اذبحوهم شمر..والبلا ان فرسان عنزة هاك الوقت يجمعون حلال شمر..
المهم وعقب هالسالفة رجعوا عنزة ويم جو على الشيخ سعدون العواجي وكل ماشاف سربة من الخيل ينشدهم عن عقاب وحجاب قالم عقاب وحجاب يطردون الخيل واللي هج من شمر ، الوكاد ويقعد الشيخ سعدون العواجي سهران ليله لين الصبح وقال هالقصيده :
يتبع