[معلومات العضو الفقير الى ربه]

هذه قصه لاحد ابنا الدواسر من الخرج خوي مع احد الامراء كانو قانصين في الشمال المهم شاف الامير ذاك الضبي و قام يرميه مره تجي من فوقه مره تجي من جنبه المهم ما وقعت فيه و كان الدوسري راكب ورا و رشاشه معه فماعاد احتمل الضبي بيروح فصوبه من اول طلقه موقعه في راسه الامير ضاق ونزل عليه وجه الرشاش صوب وقال تري صيدتي اخونا مذبوح مذبوح الدوسري رشاشه مليان فقال كلمه صعب تقال قال رشاش مليان ان فلكت رشاشك و الله ان اطير كبدك الامير شاف الرجال صامل ركد اشوي فقال ميد خويه ثاني اطرده وهذا الخوي ولد عم اخونا و قاله اجلس لين يرقدون الناس واجيك المهم جلس اخونا مايسمع غير صوت الذيابه المهم يوم رقد معزبه تل الموتر وراح عند المحل اللي وقفو عنده و خذا ولد عمه وعود به الخرج ورجع قبل الظهر يوم قام معزبه نشد الدوسري ابن عمك في محله يقصد يوم طرده قال ايه الامير قام يوبخه تخلي ولد عمك تنهشه الذيابه ما فيك خير المهم ومن ذا الكلام الدوسري عطاه الصراحه قال و لد عمي زده عند اهله فضحك الامير و قال هذا الظن فيك و الله لو ما وديته لطردك معه لمهم رجع اخونا و عطاه من الدرهمان لين تراضا و ياه