ودي
ودي
ودي
بـقـيـت بـعـالـم الـحــب
ويــــــــــــــــــــــــــاه
لاشـــــــــــــــــــــــــك
ماجاااانـي علـى الكيـف
ودي
راحت بي سنيني وقفت
مـــــــطــــــــايــــــــاه
مــدري عـنـاد الـوقــت
والا
والا
والا
والا تــــحـــــدي ....!!
.
.
ودي بـقـيـت بـعـالـم الـحــب ويـــاه=لاشـك مـا جانـي علـى الكيـف ودي
راحـت بـي سنينـي وقـفّـت مطـايـاه=مـدري عنـاد الوقـت والا تـحـدي !!
مـاعـاد بـاقـي غـيـر تـالــي بـقـايـاه=اللي توصلني مـن الشـوق .. حـدي
أهيـم لامـن المـسـاء جــاب طـريـاه=واسـج ّ بفجـوج الصحـاري وامـدي
ذكرى وشبت في خفوقي من اقصاه=قامت معه في بعض الاحوال ضـدي
أثـر الـغـلا فيـنـي مـسـوي سـوايـاه=والحـال عقبـه مـن عـنـاه امـتـردي
درب ٍ مشـيـتـه ماتمـنـيـت مـمـشـاه=صار الهوى مع جاير الحظ ( ندي )
وين الحبيب اللـي لـه الـروح تفـداه=طالـبـك انـــا يـاســود الايـــام ردي
نزف المشاعـر مالهـا غيـر شـرواه=وعليه بلّت دمعـت العيـن ( خـدي )
صبـرت وادري مـا تحمّـلـت فـرقـاه=وبيّحت مـن زود العنـاء فيـه سـدي
بين الضلـوع القلـب صـوّت ونـاداه=وشلون يقاوم جـزر الاشـواق مـدي
تعـبـت مــن دنـيـا المـتـاهـات والآه=ليـت الـفـرح لحـظـات يـمـي يـلـدي
حتـى المـسـاري لــو تمـنـت تمـنـاه=ذيــك الليـالـي مـــا علـيـهـا تـعــدي
فوق الخيال اللي على البـال عشنـاه=مـلـكـت قـلـبـه وامـتـلـك كـــل ودي
لـو كـان غيـره يمـكـن انــا نسيـنـاه=لكـن بـعـض الـنـاس مـالـه مـسـدي
لـولا الامـل فـي دنيتـي حــي لــولاه=ما كنت اجامل فـي ظروفـي واعـدي
عودت نفسي اكتم الجـرح وارضـاه=ولا زادت جروح الزمن قمت اهـدي
تبقـى الحيـاه بـدون شـوفـه معـانـاه=ويومه معي ماحد ٍ مـن الكـون قـدي
سبحـان رب ٍ صـوّره كـيـف ســواه=لحـد الجـنـون الـزيـن مـنّـه يــودي
متـى علـى الله التـقـي فـيـه والـقـاه=وارتاح مـن طـول التعـب والتحـدي