أمن يجيب المضطر إذا دعاه
بسم الله الرحمن الرحيم
والصلاة والسلام على النبي المصطفى وبعد...
انا ابرويلكم قصه واقعيه حدثت لي في هذا الترم المنصرم على خير ان شاء الله وبصراحه القصه فيها شي من التعجب لقدرة الله وبصراحه كان بودي اضع العنوان فأما بنعمة ربك فحدث ولكن فضلت المكتوب
((((((القصه))))))
كان عندنا دكتور في هذا الترم يدرسنا اصعب ماده في القسم وهاذي الماده بالعربي اذا نجحت فيها تعتبر تخرجت ولو انه باقي لك سنه المهم جا يوم من الايام ودخل علينا الدكتور في وقت المحاظره وبعد الشرح حدد موعد الاختبار وكان الدكتور عنده شعبتين يدرسهم المهم حدد لنا موعد موحد بيننا وبين الشعبه الثانيه وتفاجأنا بعد مرور اسبوعين الدكتور غير الموعد بدل ما هو السبت قال الاثنين !!!!
طيب يادكتور عندنا اختبارت في نفس اليوم انت حددت السبت وباقي الدكاتره الاثنين والثلاثاء ...
المهم يقاله رئف بحالنا وقال اللي يبي يختبر الاثنين يختبر واللي يبي الثلاثاء انا ما عندي مانع!!
قلنا يادكتور حنا ما نقدر نختبر الاثنين قال تعالو الثلاثاء قلنا يادكتور نخاف تصعب الاسئلة
قالنا لالا ما تخافو انشالله حيكون سهل(بيكون سهل) قلنا والله ما الظاهر لكن على الله
اختبرو بعض الطلاب الاثنين وطلعوا من الاختبار مبسوطين :18: قلنا تمام انشالله حنا يكون في مستوى اختبارهم (ترى اختبارهم مو سهل لكن لقو شي يحلونه) المهم جاء بكرى
الله يستر ذاكرنا وتوكلنا على الله ودخلنا القاعة بسم الله (اللهم لا سهل الا ما جعلته سهلا وانت تجعل الحزن إذا شئت سهلا)
ووزع الدكتور الاسئلة :16: المهم اناظر اناظر (يادكتور انت متــأكد ان هذي اسئلة مادتنا)
اتلفت يمين ويسار ابي اشوف احد يحل مالقيت ياولد عدل بدل مافيييييييييييه قاعد كني احتري الوحي يجي :d8: المهم (مالكم بالطويله)
والله وانا اللي اقوم ادعي الله يارب يارب يارب يارب دخيلك ومن جميع الادعيه
وانا ادعي افكر وشلون ستستجاب دعوتي هالاسئلة ما مرت علي وشلون ابحل
قلت لعل الله يدخرها في النهائي ويجي ابليس ويقولي ((في النهائي بيجيب اللعن من الشهري وش تدعي ما تدعي شفلك حل غش شي ))
والله وانا اقول يـــــــارب
يـــــــارب
يـــــــارب
يـــــــارب
يـــــــارب
لا والمشكله ما جاب الا سؤالين يعني ((((ازرع بصل للترم الجاااااااااي))))
يـــــــارب
يـــــــارب
وافكر واقول لعل الله يعمي نظر الدكتور وهو يصحح لي والا يصحح في البيت وينكب على الورقه الشاهي وعطيني بعض الدرجات ولو 10 درجات تأهل للنجاح
يـــــــارب
يـــــــارب
طبعا هو يختبرنا في قاعة غير قاعة المحاظره
المهم وشوي ويدخل علينا دكتور سعودي بيض الله وجهه وحنا ما لنا الا نص ساعه نختبر
قال الدكتور السعودي يادكتور انا عندي محاظره هنا في هذه القاعه 1!!!
دكتورنا انصدم كنه مكبوب على وجهه ماء بارد ..
قال: طيب انا اختبر الطلاب الان
قال السعودي: انا مالي دخل انا عندي محاظره ولازم ادخل الان شف لك حل
ياولد سبحان الله
ويلتفت علينا الدكتور منقهر ويقول ((ياحطرات انا مضطر اسحب الاوراء وبسرعه ))طبعا مصري
يادكتور الوقت وما ادري كيف ظلم
قال انا راح اعطي لكل طالب درجة السؤال الثاني كامله تقديرا للوقت
والله وانا اللي اقوم واسلم الورقة اول واحد وطلعت من القاعة ودي اسجد لله
وطرى في بالي هاك البيت اللي يقول
ضاقت فلما استحكمت حلقاتها.......................فرجت وكنت اظنها لا تفرج
سبحان الله سبحان من ندعوه بخطاب شفوي والاجابة تاتي بسرعه
والسلام عليكم ورحمة الله وبركاته